+63

2 Sisters Retreat

11 resensies

Selfsorg

Kapasiteit: 10 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 3 Duiker Street, Kleinbaai, Gansbaai, 7220, Wes-Kaap
Vanaf R2 200 per nag (plek vir 10)

Beskrywing

2 Sisters Retreat is 'n dubbelverdieping-selfsorgvakansiehuis in die bekoorlike dorpie Kleinbaai, Gansbaai in die Overberg-distrik. Dit is net 5 km vanaf sentraal Gansbaai en is vir sy walviskykplekke bekend.

Dié ruim woning bied slaapplek aan 10 gaste en beskik oor 4 pragtige slaapkamers. Die hoofslaapkamer het 'n dubbelbed en 'n en suite-badkamer met 'n bad en 'n stort. Die tweede slaapkamer het 'n dubbelbed, enkelbed en 'n en suite-badkamer met 'n stort en 'n spabad. Die derde slaapkamer het 2 enkelbeddens en 'n en suite-badkamer met 'n stort. Die vierde slaapkamer het 3 enkelbeddens en bied toegang tot 'n aparte badkamer met 'n stort. Alle linne word voorsien, maar gaste moet hul eie handdoeke saambring.

Die boonste verdieping beskik oor 'n oopplan-kombuis en -leefarea. Die kombuis is met 'n yskas-vrieskas, mikrogolfoond, eetgerei, breekware, stoof, oond en 'n opwaskamer met 'n wasmasjien toegerus. Langs die kombuis is 'n etenstafel met sitplek vir 10, sitarea met 'n sagte rusbank en 'n binnebraai. Vermaakgeriewe sluit 'n TV met die volle DStv-pakket en gratis WiFi in. Daar is 'n houtdek met 'n see-uitsig in die verte en 'n buitebraai-area. Veilige parkeerplek word voorsien.

Hierdie verblyf spog met 'n berg- en tuinuitsig en hiér kan gaste 'n ware kusleefstyl geniet. Boonop is Kleinbaai Hawe en die getypoel stapafstand vanaf die verblyf.

Bespreek