Fantasies geriewe. Alreeds ons 2de keer wat ons van hierdie oornagplekkie gebruikmaak. Eienaars is baie gasvry.

Dit was mooi, rustig en baie veilig. Ja, ons het baie lekker gebly! Baie oulike mense, baie vriendelik. Rustig en baie veilig. Dit was baie netjies en skoon gewees!

Darem 'n rusplek vir 'n moeë reisiger. Ons gesukkel om plek te kry. Paar keer gasvrou geskakel sonder sukses. Ook geensins belanggestel in haar gaste nie. Geen spieël in kamers om hare by droog te blaas nie.

Gerieflik, maar beter waarde vir geld elders beskikbaar. Die eenheid is redelik gerieflik ingerig, maar die kombuistoerusting is redelik basies. Die eenheid het aanvanklik nie genoeg borde, messe en vurke ens. gehad vir die vier persone wat bespreek was om daar te slaap nie. Die bestuurder het dit egter vinnig reggestel. Die privaatheid van die eenheid is effe misleidend. Die ingang na die huis is apart van die plaashuis se ingang en dus privaat. Die vensters van die slaapkamers kyk egter uit op die tuin van die plaashuis (wat reg langs die huisie is). Indien die blindings van die huisie oopgelaat word, kan die inwoners en werkers van die plaashuis sien wat in die slaapkamers van die eenheid gebeur. Die eenheid word geadverteer as synde op 'n plaas geleë. Dit blyk egter dat die plaas baie klein is en behoort dus eerder as 'n plot geklassifiseer te word. Daar is nie werklik plek om rond te stap op die plaas nie (aangesien dit 'n plot is). Die braaier van die huisie kyk uit op 'n baie klein landery. Die huisie is 'n klipgooi vanaf die hoofpad tussen Kakamas en Riemvasmaak geleë. Die braaier kyk ook uit op hierdie pad, wat impliseer dat motoriste op die pad kan sien wat mense doen indien hulle in die lappie gras voor die huis sou sit. Alhoewel nie baie steurend nie, is mens bewus van die swaar voertuie wat op hierdie pad verby die eenheid ry. Die ligte van die voertuie skyn ook in die aand in die woonkamer van die eenheid in indien die blindings in die woonkamer nie toegemaak word nie. Kortom, die eenheid is gerieflik - ek vertrou dat die bestuurder aandag sal gee aan die kombuistoerusting wat kortkom. Vir die prys wat ons betaal het, sou ek regte privaatheid en 'n beter toegeruste eenheid verwag.

Baie lekker. Ons het baie lekker gebly. Baie netjies en het min of meer alles wat jy nodig het. Kort 'n paar goed in die kombuis, maar andersins was dit 'n lekker bly.

Nie welkom gevoel nie, asof ons nie verwag was nie. Geen ventelering, baie muskiete en insekte en swak toegerus vir gaste maar dankbaar vir die lugversorging. In kort sal nie terug gaan nie.