Heerlik gekuier. Pragtige plek, uitstekende gasheer. Mooiste uitsig, 2 walvisse gesien. Als wat nodig is, is daar.

Heerlik en verrykend. Dit was 'n wonderlike belewenis om soveel walvisse van so naby te sien. Die seeuitsig is beeldskoon.

Heerlik gekuier, dankie! Gerieflike verblyf met alles wat nodig is. Lieflike uitsig op die see en walvisse!

Rustig, gerieflik met asemrowende see-uitsig. 29@Sea doen sy naam gestand, want jy het 'n ongelooflike see-uitsig. Dit is baie netjies, skoon en gerieflik. Dit het alles wat jy mag nodig kry. Dit is in 'n stil straat geleë en dus baie rustig. Ek sal dit definitief aanbeveel.

Dié kuier sal ek lank onthou. Heerlike verblyf in een van die land se uitstaande, veilige kuierplekke, De Kelders, met 'n asemrowende, onbelemmerde uitsig - en baie bekostigbaar. Alles wat mens nodig het, blinkskoon, keurig en luuks, met 'n paar bekoorlike verrassings soos feëtjieligte om die kamerspieël! Jou eie privaat, goed ingerigte braaiplek terwyl jy oor die hele Walkerbaai uitkyk, tot by Hangklip. Die baie unieke doendinge in die omgewing maak die wegbreek nog meer spesiaal. Boonop is Eben en Riva uiters vriendelik en behulpsaam, baie dankie. Ek kom beslis weer!

Vreeslik lekker ontspan, ons het baie tuis gevoel! Bitter lekker. Rustige omgewing.

Rustig en ontspannend. 29 @ Sea het 'n uitstekende ligging met 'n pragtige uitsig oor die see. Dit is baie skoon, netjies en baie gerieflik ingerig met alles wat jy kan nodig kry. Ons het heerlik gekuier en sal definitief, as ons weer De Kelders toe gaan, van die verblyf gebruik maak.

Heerlik! Ons het heerlik gekuier en die ligging is fantasties! Die mooiste see-uitsig en naby genoeg aan Gansbaai dorp. Die walvisse was elke dag daar! Baie netjies en baie skoon. Julle sal ons definitief weer sien!

Highly recommended. Bit small, but great price for what you get. Everything you need and a very friendly, helpful host. Will be back again.