Beskrywing

Lettie's is 'n gerieflik gemeubileerde eenheid vir 2 mense in Courtrai, Paarl, en het lieflike uitsigte oor die Paarlvallei en omliggende berge.

Die oopplan-eenheid het 'n privaat ingang en is ingerig met 'n koningingrootte-bed. Die eenheid het ook 'n en suite-badkamer met 'n instapstort en 'n toilet.

Die eenheid het lugversorging vir gerief en is toegerus met 'n TV met DStv, asook WiFi-toegang. Die eiendom het 'n omskakelaar.

Gaste kan op die stoep ontspan en na die sonsondergang kyk, of van die braaigeriewe gebruik maak. Neem asseblief kennis dat rook nie toegelaat word nie en troeteldiere kan ongelukkig nie geakkommodeer word nie.

Paarl bied gaste 'n wye verskeidenheid restaurante, wynlandgoedere en plase, en verskeie doendinge soos voetslaan, en lugballonvaarte. Gaste kan ook polo kyk of speel by Val de Vie, of die gewilde Taalmonument besoek.