+71

485 on Teresa

61 resensies

Selfsorg

Gratis kansellasie tot 1 week voor jou verblyf!
Kapasiteit: 4 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: 485 Teresa Avenue, Die Wilgers, Pretoria, 0184, Gauteng
Vanaf R850 per nag (plek vir 2)

Beskrywing

485 on Teresa bied bekoorlike selfsorg-eenhede in die stil buurt, The Willows, in Pretoria. Die eenhede is op die grondverdieping op 'n sekuriteitslandgoed en skuil in die verste hoekie van die eienaar se perseel.

Verblyf is beskikbaar in 2 eenhede wat die ateljee en die kothuis insluit. Albei eenhede het slaapplek vir 2 gaste. Die ateljee het 'n dubbelbed en daar is 'n en suite-badkamer met 'n stort, toilet en 'n wasbak. Ander geriewe sluit 'n kombuisie met 'n mikrogolf, yskas, induksiestoofplaat, 'n TV met DStv, WiFi en tee- en koffiemaakgeriewe in.

Die kothuis het 'n koningingrootte-bed en 'n en suite-badkamer met 'n stort en 'n bad. Daar is 'n yskas, mikrogolf, stoof, oond, broodrooster en 'n ketel in die kombuis.

Ander geriewe op die perseel sluit 'n braai-area, WiFi en veilige parkeerplek in. Let asb. daarop dat slegs 1 voertuig per eenheid op die perseel toegelaat word. Die eenhede word 1 maal 'n week op 'n Woensdag gediens.

Veiligheid is uiters belangrik en vreemdelinge op die perseel word as indringers hanteer. Geen besoekers en ekstra voertuie word sonder vooraf toestemming deur bestuur toegelaat nie.

Die eenhede is naby Willowbridge Hoërskool, The Grove Winkelsentrum, Deutsche Schule Pretoria, Pick 'n Pay, Hospice Lynnwood, Masonic Haven, en Wilgers Hospitaal.

Bespreek