Rustig, skoon, lekker. Baie lekker slaapplek, ons sal beslis terug gaan! Baie oulike gasvrou.

Christa is 'n fantastiese gasvrou. Ons het baie lekker gekuier.

Netjies en veilig. Pragtige gastehuis in 'n stil en veilige area. Baie vriendelike gasvrou. Die eenheid is pynlik netjies! Heerlike eetgoedjies is vir ons neergesit. Ek sal die gastehuis beslis aanbeveel. 'n Bonus is dat dit baie naby Afriforum teater is.

Veilig, vriendelik, bedagsaam, gerieflik, privaat, netjies. Die beste plek om te oornag met die beste gasvrou. Die voorsiening wat ons saam geneem het, het ons net so huistoe geneem, want daar was voorsiening gemaak deur die gasvrou en aan elke ding gedink om dit vir ons so gemaklik en gerieflik as moontlik te maak. Niks uit sy plek uit nie, netjies, veilig, privaat en 'n ekstra bederf. Dit is my nr 1 verblyfplek as die geleentheid hom weer voordoen.

Waarde vir geld. Baie gasvry en fantastiese waarde vir geld.

Na 'n stresvolle jaag-dag, het ek by Christa aangeland. 'n Lieflike verwelkoming het my ingewag; 'n vriendelike, behulpsame gasvrou en 'n kamer wat rus en vrede uitgeroep het. Alles smaakvol, supernetjies en silwerskoon. Ek kon 'n vuurwarm stort neem en by kerslig net ontspan. Die beddegoed was van puik gehalte en ek het snoesig geslaap. Ek is verras met 'n selfsorg kontinentale ontbyt in my kamer; kraakvars, stroopsoet vrugte, joghurt, vars broodjies, kaas, konfyt, beskuit, filterkoffie met melk! Die huis was 'n lushof. Ag, alles was vir my baie spesiaal en ek sal sommer gou-gou weer terugkeer. Ek sal dit met al die vrymoedigheid vir enige kieskeurige gas aanbeveel.