+30

64 on Clovelly

6 resensies

Selfsorg

Kapasiteit: 2 persone
Geen kinders onder 5
Inkloktyd: 14:00 tot 19:00
Uitkloktyd: 10:00
Adres: 64 Clovelly Road, Clovelly, Cape Town, 7579, Wes-Kaap
Vanaf R1 400 per nag (plek vir 2)

Beskrywing

64 on Clovelly bied unieke selfsorgverblyf in 'n nuutopgeknapte ateljee-suite. Dié ateljee is teen die berg geleë met uitsigte oor Valsbaai in Simonstad, Clovelly-gholfbaan en Chapman's Peak se rigting. Dit is lig, ruim, gemaklik en met kreatiwiteit ingerig. Die eenheid is net 10 minute se stap van Clovelly-strand af via die vleilande en naby verskeie getypoele. Dit is ook baie naby die lewendige Kalkbaai.

Toegang tot die eenheid is via klip- en houttrappe wat van die veilige parkeerplek op die perseel af lei. Die ateljee het slaapplek vir 2 gaste. Daar is 2 enkelbeddens wat in 'n koninggrootte-bed omskep kan word en 'n verhewe koningingrootte-bed wat ideaal is vir kinders. Die beddens is oorgetrek met 100% suiwer katoenperkallinne, en badhanddoeke word voorsien.

Die kombuisie is goed toegerus met 'n yskassie, mikrogolfoond, oond, 'n broodrooster, ketel, enkelplaat-induksiestoof, eetgerei en breekware. Daar is ook 'n TV teen die muur met Netflix, en 'n etenstafel met stoele. Die ateljeewoonstel het sy eie sitplek op die patio en gaste kan gerus in die terrastuin sit en gebruik maar van die braaigeriewe.

Die bestuurders, Sasha en Martin, en hulle vriendelike ou hond, Mojo, sal daar wees om gaste te verwelkom. Hulle bly almal op die perseel, maar gaste sal privaatheid hê aangesien hulle in 'n aparte eenheid bly.

Bespreek