Mooi, skoon, view is beautiful. Dit is 'n beautiful plek, sal enige tyd weer gaan. Daar kort net 'n spieël in die hoof slaapkamer en 'n wynopmaker. Maar andersins is dit 5 ster. Was vir ons 'n plesier om daar te bly!

Baie gelukkig met akkommodasie - sal beslis weer oorweeg! Lekker sentrale verblyf. Skoon, netjies en veilig. Sekuriteit is vriendelik en behulpsaam. Kinders se versoek was - tydens sonnige dae, kan die swembad nie dalk verhit word met water/sonpanele nie? Die swembad is amper kouer as die see. Dit sal die beskrywing van die akkommodasie - "802 Ocean View "luukse" vakansie akkommodasie" beter ondersteun as die swembad temperatuur net effe kan verhoog. Eenheid kort asb. 'n kurktrekker/bottelopmaker!

Fantastiese uitsig op die see en berg! Ons het heerlik gebly en die mooi uitsig op die see was 'n groot bonus. Die woonstel is baie goed toegerus met alles wat nodig is. Baie dankie!

Stil, veilig, mooi uitsig. Ons het ’n aangename verblyf gehad. Die uitsig is asemrowend en ek het elke oggend my koffie op die balkon geniet. Daar is 24-uur sekuriteit by die ingang en hulle was altyd baie vriendelik en behulpsaam. Die gebou is lekker stil en ons het geen hinder van die wind gehad nie. Die Wi-Fi is puik! Die woonstel word as ‘luuks’ geadverteer, maar dit voel meer soos ’n driester-hotel wat beter dae gesien het. Die gebou self is luuks, maar die woonstel het baie agterstallige onderhoud en dit voel ongeliefd. Ons het onsself ’n paar keer gestamp teen die meubels in die sitkamer, so dit is nie so veilig vir klein, besige kinders of ouer mense nie. Die ontwerper-krane is nogal interessant — dit voel soos Russiese roulette wanneer jy dit gebruik, want jy weet nooit of daar koue of warm water gaan uitkom nie. Elke kraan werk anders en die aansluitings van warm en koue water is nie konsekwent nie. Die parkeerplek is baie klein, maar ons kon gelukkig op die besoekerparkeerplekke parkeer. Ek was verbaas dat ek weer vorms en ’n skadeloosheidsvorm moes onderteken, terwyl die webtuiste reeds al my inligting het en ek dit nog nooit by ander besprekings van die webtuiste teengekom het nie. Die woonstel het ’n skottelgoedwasser, wasmasjien, stoof/oond en mikrogolfoond, maar is verder maar suinig ingerig vir ’n luukse woonstel. Ek was nogal onsteld toe ek nie ’n kurktrekker in die laai kon vind nie… Ek sit nou in ’n ander woonstel op Beach Road wat in dieselfde prysklas val en kan dus ’n mooi vergelyking tref. Hier twyfel ek nie aan die ‘luuks’ nie — en hier is sommer twee kurktrekkers! Die woonstel, soos dit tans is, is great vir ’n lekker somervakansie, maar te duur vir wat jy kry. Met ’n bietjie onderhoud en liefde kan dit ’n besonderse vakansieplek wees. (Ek stuur die beheerder ’n oorsig van die agterstallige onderhoud.)

Ontspanne, wegdroomdae met 'n fantastiese uitsig. Ons het heerlik gebly! Rustig, skoon en goed toegerus. Die uitsig is asemrowend! Goeie, veilige parkering en 24 uur sekuriteit by die voordeur maak dat jy veilig voel. Die kontak met was hartlik en vriendelik. Ons kom graag weer!

Son, see en ongelooflike sonsondergange! Ja, dit was baie lekker. Die woonstel is puik en reg by die see, stap afstand van alles af, selfs 'n nabye Woolies!

Baie nice, uitstekende view. Balkon is baie klein en gasbraai sou 'n bonus wees. Ons verkies akkommodasie met 'n see-uitsig en 'n Jacuzzi of 'n hot tub wat ook 'n see-uitsig het. Privaatheid is hoog prioriteit.