Beskrywing

9 Londiani is 'n luukse woonstel met gerieflike selfsorgverblyf in 'n smaakvol versierde drieslaapkamerwoonstel in 'n veilige kompleks in Manaba Beach, Margate. Die kompleks is 500 m vanaf Lucien-strand en 150 m vanaf Manaba Kwikspar.

Die woonstel is op die tweede verdieping, word via 'n trap bereik en bied slaapplek aan 4 volwassenes en 4 kinders. Die derde slaapkamer het 2 stelle stapelbeddens. Die hoofslaapkamer het 'n koningingrootte-bed en 'n en suite-badkamer met 'n stort, bad, wasbak en 'n toilet. Die tweede slaapkamer het 'n koningingrootte-bed en die derde slaapkamer het 4 stapelbeddens. Die tweede badkamer het 'n handstort, toilet en 'n wasbak. Twee van die slaapkamers het plafonwaaiers en die slaapkamer met die 4 stapelbeddens het 'n swaaiwaaier teen die muur. Die hoofslaapkamer het lugversorging en 'n plafonwaaier. Die hoofslaapkamer het ook 'n glasskuifdeur wat na die stoep lei. Die semi-beskutte stoep en hoofslaapkamer het moderne blindings wat elkeen op hul eie gelig en laat sak kan word.

Die woonstel het 'n oopplan-kombuis, -sitkamer en 'n -eetarea. Die kombuis is met 'n yskas, oond, stoof, mikrogolfoond, skottelgoedwasser en 'n tuimeldroër toegerus. Die sitkamer het lugversorging, 2 plafonwaaiers, 'n HD TV met 'n kragtige klankstaaf teen die muur asook 'n HD Openview-dekodeerder. Gaste kan hul eie DStv-dekodeerder, -slimkaart en HDMI-kabels saambring. Die sitkamer lei na 'n beskutte balkon met 'n see-uitsig. Die balkon het 2 groot skuifvensters en 'n skuifdeur wat na die stoep lei.

Die stoep het relings vir gaste se veiligheid, lugversorging en 'n moderne gasbraai. Die braai het 'n deksel waar die temperatuur aangedui word en 'n rakkie om kos op neer te sit. Daar is ook 'n aparte deel agter die braai wat verwyder kan word om van vet ontslae te raak.

Die woonstel bied toegang tot 'n onderdakparkeerplek op die grondverdieping met parkeerplek vir 2 mediumgrootte-voertuie. Londiani-kompleks het 'n gemeenskaplike braai-area en dis naby die gemeenskaplike swembad.