+51

Adventure Bush House II

9 resensies

Selfsorg

Kapasiteit: 13 persone
Alle ouderdomme is welkom
Inkloktyd: 15:00 tot 23:00
Uitkloktyd: 10:00
Adres: 1266 Volstruis Road, Marloth Park, 0174, Mpumalanga
Vanaf R2 100 per nag (plek vir 13)

Beskrywing

Adventure Bush House II is 'n ruim vakansiehuis in die gewilde Marlothpark en dis ideaal vir 'n gesinsvakansie naby die Krugerwildtuin. Die huis het 'n privaat plonspoel waarin gaste kan afkoel.

Die huis is beurtkragvriendelik wat beteken dat die warm water, stoof, ligte en internet steeds sal werk gedurende kragonderbrekings.

Die dubbelverdiepinghuis bied slaapplek aan 10 gaste en beskik oor 5 slaapkamers, 4 badkamers en 'n gastetoilet. Al 5 slaapkamers het lugversorging en koningingrootte-beddens. Net 4 van die slaapkamers het en suite-badkamers en elkeen het 'n stort of 'n bad en 'n stort. Alle linne en badhanddoeke word voorsien en gaste moet hul eie swemhanddoeke saambring.

Die oopplan-leefarea op die grondverdieping het lugversorging en 'n kombuis wat met 'n gasstoof, elektriese oond, mikrogolfoond, yskas-vrieskas, koffiemasjien, eetgerei en breekware toegerus is. Daar is ook 'n toonbank met stoele. Die aparte opwaskamer het 'n skottelgoedwasser, wasmasjien, tuimeldroër en ekstra vriesplek. Die kombuis lei na 'n etenstafel met oorgenoeg sitplek.

Daar is 'n knus sitarea op die boonste verdieping en dit het nog 'n eetarea en 'n TV. Gratis WiFi is beskikbaar. Die leefarea lei na 'n lieflike stoep met braaigeriewe en sitplek waar gaste kan sit en 'n uitsig oor die omliggende bosveld geniet.

Bespreek