+48

Agape' Garden Rest

10 resensies

Selfsorg

Kapasiteit: 6 persone
Alle ouderdomme is welkom
Inkloktyd: 15:00 tot 19:00
Uitkloktyd: 10:00
Adres: 19 Reservoir Road, Parel Vallei, Somerset West, 7130, Wes-Kaap
Vanaf R3 450 per nag, vir 6 mense

Beskrywing

Agape' Garden Rest is in 'n rustige en luukse woonbuurt in Somerset-Wes geleë. Hierdie tuinkothuis is op die eienaar se perseel, teen die hange van die Helderberg in Parel Vallei geleë. Dit spog met 'n uitsig op die Hottentots-Hollandberge en word deur verskeie bome omring.

Dié tuinkothuis bied slaapplek aan 6 gaste en het 'n privaat ingang. Die kothuis beskik oor 2 slaapkamers, 2 badkamers, 'n kombuis en 'n sitarea. Die eerste slaapkamer het 'n spesiale, antieke dubbelbed en die tweede slaapkamer het 2 antieke enkelbeddens. Die sitarea het 'n slaapbank vir 2 gaste en 'n ekstra rusbank. Elke badkamer het 'n luukse stort en lei direk na die swembad.

Die kombuis is met 'n groot yskas-vrieskas, mikrogolfoond, gasstoof, oond, skottelgoedwasser, broodrooster, ketel, eetgerei en breekware toegerus. Die sitarea het 'n gemaklike sitkamerstel en 'n platskerm-TV.

Gaste kan die gemeenskaplike swembad geniet. Dit is direk voor die stoep op dieselfde vlak en langs die heerlike onderdak-buitebraai. Veilige parkeerplek is agter 'n afstandbeheerde hek beskikbaar en daar is plek vir 'n waentjie.

Pragtige bergfietsroetes, stappaadjies en gholfbane is binne 'n 5 km-radius beskikbaar.

Bespreek