+62

Alkantmooi Private Nature Reserve Keursee

94 resensies

Selfsorg

Soos Gesien op Facebook
Kapasiteit: 12 persone
Geen kinders onder 12
Inkloktyd: 14:00 tot 18:00
Uitkloktyd: 10:00
Adres: Alkantmooi, Keurbooms River, Plettenberg Bay, 6600, Wes-Kaap
Vanaf R2 600 per nag (plek vir 2)
TGCSA-gradering:

Beskrywing

Op die kruin van die heuwel by Alkantmooi Privaat Natuurreservaat Keursee word jy alkant deur beeldskone natuurtonele omring. Die blougroen Indiese Oseaan, die groen en goud van die inheemse bosse en die fynbos wat die blougrys berge bedek word perfek afgerond deur die potblou Afrika-hemel. Die Keurboomsrivier vloei deur hierdie saamgeflanste kleur-skouspel. Die verblyf het sonkrag en word dus nie deur beurtkrag geaffekteer nie.

Verblyf is beskikbaar in 5 eenhede. Elke eenheid het asemrowende uitsigte, 4 eenhede het elk 'n volledig toegeruste kombuis, en 1 eenheid het 'n kombuisie. Elke eenheid het 'n oopplan-leefarea en badkamer met 'n bad en stort, of slegs 'n stort. Geriewe in elke eenheid sluit WiFi, 'n platskerm-TV met sekere DStv-kanale, 'n kluis en 'n haardroër in. Linne en handdoeke word voorsien. Die kamers word daagliks skoongemaak, behalwe op Sondae en openbare vakansiedae.

Alkantmooi Privaat Natuurreservaat is in die Keurboomsriviervallei naby Plettebergbaai geleë. Die Portugese ontdekkingsreisiger, Manuel de Perestrelo, het Plettenbergbaai oorspronklik Bahia Formosa of "Die Pragtige Baai" genoem, en dit is op die bekende Tuinroete in Suid-Afrika.

Hoewel Alkantmooi slegs 10 km vanaf Plettenbergbaai se goed-ontwikkelde vakansiegeriewe geleë is, is dit tog afgeleë genoeg om privaatheid te verseker en die nodige stilte en rustigheid vir 'n onvergeetlike wegbreek te bied.

Bespreek