Lekker warm geslaap en sal weer terug gaan soontoe. Ons het baie lekker gebly. Alles was netjies en het heerlike warm water gehad in die ysige koue. Lekker kombuisgeriewe. Het nie geweet WiFi is beskikbaar nie.

Goeie ervaring. Ja, die verblyf was gemaklik en alles was goed gereël.

Genoegsaam maar kan beslis baie beter. Die eienaar was baie tegemoetkomend na ons blyplek weens sneeu nie bereikbaar was nie en het ons 'n ekstra nag gegee. Die kothuis is netjies maar het werk nodig. Dit is yskoud binne met geen verwarmer beskikbaar nie. Geen WiFi, geen TV. Voordeur kan nie behoorlik sluit nie. Koffie, tee en suiker was beskikbaar, maar geen melk. Dit het nie verwelkomend gevoel nie en ons moes self warm komberse soek en op die beddens sit. Die stortkop van die bad werk nie en die geyser is klein. Twee mense kan blitsig stort voordat die water koud is. In die besoekersboekie, wat reeds vol is, is dieselfde voorstelle amper 10 jaar terug gemaak wat mens laat voel die eienaar stel nie belang om gaste gemaklik en lekker te laat bly nie. Boek vroeg en kry 'n plek met al die ekstras vir dieselfde prys. Selfs die hotel was skaars R300 duurder en bied baie meer.

Tevrede. Ontspanne. Rustig. Plaaslewe naby dorp. Geen TV, ideaal vir ouer mense. Het alles gehad wat ek nodig gehad het. Sal weer gaan.

Sukkel na 19:00 om eienaar in die hande te kry. Ons het verdwaal en kon niemand in die hande kry om ons te help nie. Die adres moet reggestel word, ons het meer as 'n uur gesoek na die blyplek. Elke keer ons die eienaar skakel het ons net 'n boodskap teruggekry om die volgende oggend weer te skakel. Ons het ook nie die volgende oggend water gehad nie. Nie warm of koue water nie, weet nie of die "loadshedding" dit enigsins beïnvloed nie. Oor die algemeen was die plek skoon en netjies maar sal nie weer daar tuisgaan nie.

Lieflike fasiliteit, en baie gasvry. Lieflike plek, omgewing en wonderlike diens.

Daar is nie bakke om slaaie in te maak nie, daar was net 1 klein stainless steel bakkie. Daar is nie 'n TV nie. Dit sou lekker wees as ons vooraf geweet het dat daar nie skoonmaakdienste sal wees nie. Die cottage is baie goed geleë maar ons het maar in die bad en bed geklim om warm te bly. Dit sal regtig lekker wees as hulle kan cater vir mense wat nie die restaurante besoek nie en self wil braai en kosmaak. Voorsien asb. 'n toeknyprooster, 'n pot waarin pap gemaak kan word, slaaibakke ens.