+126

Bar-t-nique Guest House

32 resensies

Gastehuis

Kapasiteit: 24 persone
Geen kinders
Inkloktyd: 14:00 tot 18:00
Uitkloktyd: 10:00
Adres: 82 Rodger Street, Mossel Bay, 6500, Wes-Kaap
Vanaf R1 640 per nag, vir 2 mense
TGCSA-gradering:

Beskrywing

Bar-t-nique Guest House bied topgehaltevebrlyf vir sakereisigers en vakansiegangers in Mosselbaai, halfpad tussen Kaapstad en Gqeberha (Port Elizabeth) in die hartjie van Suid-Afrika se bekende Tuinroete. Dit is 'n baie besige vakansieoord in die somer en die ideale wegbreekplek in die winter met heerlike, sonnige weer regdeur die jaar.

Die bekoorlike kamers met see-aansigte het almal lugversorging en privaat balkonne. Al die kamers het 2 enkelbeddens of koninggrootte-beddens, en suite-badkamers, TV's met sekere DStv-kanale, tee- en koffiemaakgeriewe, haardroërs, yskassies en kluise. Ontbyt word daagliks voorberei en in die eetkamer bedien wat 'n ongeëwenaarde uitsig oor die hawe en die Indiese Oseaan bied.

Daar is 'n swembad, eerlikheidskroegie en 'n sitkamer. Die gastehuis is naby gholfbane, strand en talle gewilde restaurante. Daar is legio doendinge in Mosselbaai, soos voetslaan, haaihokduik, swem by veilige swemstrande en watersport. Gaste kan ook op 4x4-wildritte gaan, op bootritte om Robeiland gaan en in seisoentyd walviskyk.

Die gastehuis het 'n manjifieke, panoramiese uitsig oor Mosselbaai se hawe, die Indiese Oseaan en die Outeniekwaberge. Dit is die perfekte bestemming as jy die pragtige Tuinroete se besienswaardighede wil besoek.

Bespreek