+178

Bikkurim Inn

62 resensies

Selfsorg

Gratis kansellasie tot 1 week voor jou verblyf!
Kapasiteit: 6 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 9 Wentelbaan Street, Mbombela (Nelspruit), 1201, Mpumalanga
Vanaf R730 per nag (plek vir 2)

Beskrywing

Bikkurim Inn is in Mbombela (Nelspruit) Mpumalanga en bied 2 eenhede wat apart van die hoofeiendom is met sy eie ingang en parkeerplek in 'n baie stil, veilige en gesogte woonbuurt.

Forest Room is 'n eenheid met lugversorging wat 2 gaste op 'n slag kan akkommodeer en beskik oor 'n gemaklike koningingrootte-bed en 'n en suite-badkamer met 'n stort, wasbak en toilet. Kwaliteit linne, badhanddoeke en seep word voorsien.

Verder is daar 'n kombuisie wat toegerus is met 'n yskassie, mikrogolf, eetgerei en breekware asook tee- en koffiemaakgeriewe. Vir gaste se vermaak is 'n TV met Netflix en gratis WiFi beskikbaar.

Deur die skuifdeure is daar 'n privaat binnehof met 'n tafel en stoele waar gaste ten volle in die tuin kan ontspan met óf 'n oggendkoffie óf 'n skemerkelkie.

Olive Oak is 'n luukse selfsorg-eenheid op die tweede verdieping. Dié eenheid is geskik vir 2 volwassenes en beskik oor 'n koningingrootte-bed.

Die eenheid het 'n kombuis met bykomstighede soos 'n klein tweeplaat-oondjie, mikrogolfoond en volledige kombuistoerusting.

Die badkamer het 'n stort, wasbak en toilet. Daar is parkeerplek vir een voertuig, lugversorging, 'n waaier en handdoeke word voorsien. Hierdie eenheid is nie geskik vir mense in rolstoele of iemand wat sukkel om trappe te klim nie. Dit is ook nie geskik vir meer as 2 volwassenes nie.

Die ligging van hierdie lieflike eenheid is naby die gewilde Mbombela Gholfbaan, Hoërskool Nelspruit en Shandon Estate.

Bespreek