Beskrywing

Bon Repose Cottage 1 is op die Panoramaroete sowat 14 km vanaf die Phabeni-hek van die Krugerwildtuin. Hierdie eenheid het 'n pragtige uitsig oor die Sabie-vallei en is perfek vir 'n paartjie wat op soek is na 'n ontspanne wegbreek.

Dié verblyf beskik oor 1 slaapkamer en 'n en suite-badkamer en het slaapplek vir 2 gaste. Die slaapkamer het 'n koninggrootte-bed. Die en suite-badkamer het 'n toilet, stort, bad en 'n wasbak. Die oopplan-leefarea beskik oor 'n sitarea en 'n kombuis wat met 'n stoof, yskas, mikrogolfoond, broodrooster en 'n ketel toegerus is. Daar is 'n stoeptafel met sitplek vir 2.

Die privaat tuin het 'n Jacuzzi en braaigeriewe. Ander geriewe op die perseel sluit 'n slim-TV met die volle DStv-pakket, WiFi, veilige parkeerplek en 24 uur-sekuriteit in.

Hazyview en die omgewing bied opwindende aktiwiteite soos daguitstappies na die Krugerwildtuin, Die Panoramaroete, riviervlotvaart, vierwielmotorfietsry en Elephant Whispers. Ons kan jou ook help met die bespreking van jou oopvoertuigsafari of enige ander aktiwiteit van jou smaak.

Die dorp is 2 minute se ry vanaf die verblyf en gaste kan inkopies doen by ons plaaslike winkelsentrum, Junction Mall. Perry's Trading Post het 'n paar knus restaurante en interessante snuisterywnkels.