Beskrywing

Bondi Beach No. 11 is 'n selfsorgwoonstel op die boonste verdieping in die veilige Bondi Beach-kompleks in Shelly Beach. Dis net 'n paar minute vanaf verskeie restaurante, winkels en die South Coast Mall. Dis ook 10 km vanaf Port Shepstone en 130 km vanaf Durban.

Die woonstel bied slaapplek aan 6 gaste en beskik oor 3 slaapkamers, 2 badkamers en 'n oopplan-kombuis, -eetarea en -leefarea. Die eerste slaapkamer het 'n koningingrootte-bed en 'n en suite-badkamer met 'n stort, toilet en 'n wasbak. Die kamer het 'n deur wat op die balkon oopmaak. Die tweede en derde slaapkamer het elkeen 2 enkelbeddens. Dié 2 kamers deel 'n badkamer met 'n bad en 'n stort.

Die kombuis is met 'n yskas-vrieskas, stoof, oond, mikrogolf, ketel, broodrooster en 'n skottelgoedwasser toegerus. Die sitkamer het 'n plafonwaaier, rusbanke en 'n TV met 'n DStv-koppelpunt. Gaste kan hul eie dekodeerder en slimkaart saambring. Die sitkamer het stapeldeure wat op 'n onderdakbalkon met 'n etenstafel en 'n see-uitsig oopmaak.

Die Bondi Beach-kompleks bied 'n gemeenskaplike swembad, braai-area, tennisbaan en direkte toegang tot die strand.