Bunker's View

Beskrywing

Bunker's View bied verblyf op Prince's Grant Gholflandgoed aan die Noordkus van KwaZulu-Natal en 'n uitsig oor die Indiese Oseaan en die Mdlotanerivier. Dié rivier het baie vis en daar is 'n groot verskeidenheid voëls wat die majestueuse visarend insluit.

Dié huis beskik oor 3 slaapkamers en 3 badkamers met slaapplek vir 6 gaste. Die eenheid bied 'n uitsig oor die sesde skoonveld en die dam. Die hoofhuis het 'n oopplan-sitarea en -eetarea met stapeldeure wat na 'n ruim, onderdakstoep lei.

Die oopplan-kombuis lei na die sitarea waar daar oorgenoeg sitplek is vir gaste om hul maaltye te geniet. Daar is ook 'n waskamer met wasgoedgeriewe.

Die hoofhuis het 2 slaapkamers met 'n dubbelbed en 'n en suite-badkamer met 'n bad, stort, toilet en 'n wasbak elk. Die huis het ook 'n gastetoilet.

Die derde slaapkamer is apart van die hoofhuis en is perfek vir paartjies. Daar is 'n dubbelbed en 'n en suite-badkamer met 'n stort, toilet en 'n wasbak.

Die huis bied veilige parkeerplek in 'n enkelmotorhuis, onder 'n afdak en daar is 'n motorhuis vir 'n gholfkarretjie.

Prince's Grant is 'n kampioenskap gholflandgoed met 'n 18 putjie-gholfbaan. Die landgoed spog met wêreldklasgeriewe wat tennisbane, muurbalbane, swembaddens, 'n gholfbaan, 'n klubhuis en 'n Pro-winkel insluit. Daar is ook doendinge soos kanovaarte op die strandmeer, voëlkyk, staproetes en 3 private toegangspunte na die strand.

Gaste kan maaltye by die Bunkers A La Carte Restaurant of Mulligans Bar and Restaurant geniet.