+15

Winelands Golf Lodges 21

Selfsorg

Kapasiteit: 2 persone
Alle ouderdomme is welkom
Inkloktyd: 14:00 tot 21:00
Uitkloktyd: 10:00
Adres: Strand Road, De Zalze Golf Estate, Stellenbosch, 7600, Wes-Kaap
Vanaf R2 750 per nag (plek vir 2)

Beskrywing

Winelands Golf Lodges 21 is 'n helder selfsorgwoonstel op die pragtige De Zalze Gholflandgoed in die hartjie van die Stellenbosch Wynlande en dit spog met 'n panoramiese uitsig oor die omliggende landgoed.

Die dubbelverdiepingwoonstel bied slaapplek aan 2 gaste en beskik oor 'n aparte slaapkamer met 2 enkelbeddens. Die en suite-badkamer het 'n bad, stort, wasbak en 'n toilet. Badhanddoeke word voorsien.

Die oopplan-leefarea het gemaklike sitplek en 'n TV met die volle DStv-pakket. Gratis WiFi is ook beskikbaar. Die kombuis is met 'n stoof, oond, mikrogolfoond, yskas-vrieskas, koffiemasjien, eetgerei, breekware en 'n etenstafel met sitplek vir 2 toegerus.

Die leefarea lei na 'n balkon met 'n tafel en stoele onder 'n sambreel, 'n Weber-braai en 'n uitsig oor die swembad. Dit is die ideale plek vir 'n koppie koffie of 'n skemerkelkie.

De Zalze Gholflandgoed het 'n pragtige, gemeenskaplike swembad en 'n restaurant wat 'n rits maaltye, van seekos tot fynproewers-burgers, bedien. Die Camelot Spa Wellness Centre bied ook 'n verskeidenheid behandelinge vir gaste wat op soek is na 'n bederf.

Bespreek