+73

Diaz Hotel and Resort

239 resensies

Hotel

Kapasiteit: 325 persone
Alle ouderdomme is welkom
Inkloktyd: 15:00 tot 00:00
Uitkloktyd: 09:00
Adres: 1 Beach Boulevard East, Diaz Beach, Mossel Bay, 6500, Wes-Kaap
Vanaf R2 195 per nag, vir 2 mense
TGCSA-gradering:

Beskrywing

Diaz Hotel and Resort verwelkom jou op die skouspelagtige Diaz-strand in Mosselbaai. Dis die grootste hotel in Mosselbaai en die enigste hotel wat reg teen die strand geleë is. Die hotel is slegs 10 m vanaf die hoogwatermerk en bied pragtige see-uitsigte vanuit elke kamer en privaat balkon.

Elke kamer is aan die seekant geleë en is die ideale plek vir jou volgende droomvakansie of sakewegbreek. Saans sal die branders wat breek jou aan die slaap sus en soggens kan jy 'n koppie koffie op jou privaat balkon geniet met die mooiste sonsopkoms oor die Indiese Oseaan en die Outeniekwaberge in die agtergrond. Die hotel bied 90 slaapkamers wat elkeen 'n en suite-badkamer met 'n aparte bad en 'n stort, en 'n privaat balkon en ononderbroke see-uitsigte het.

Daar is 28 selfsorgwoonstelle met see-uitsigte vanaf die oopplan-sitkamer, -eetarea en -kombuis. Elke eenheid het 'n privaat balkon en is ideaal vir gaste wat op soek is na 'n volledige kombuis en privaat slaapkamers. Handdoeke word nie voorsien nie.

Die randvloeiswembad is vir die eksklusiewe gebruik van hotelgaste. Daar is meer as genoeg sonstoele langs die swembad beskikbaar.

Die hotel bied 'n wye verskeidenheid fynproewers-opsies, van smullekker aandetes en mengeldrankies tot informele kafee-styl middagetes met 'n koeldrank.

Diaz Hotel and Resort het 3 verskillende konferensielokale waar 10 tot 750 afgevaardigdes geakkommodeer kan word.

Bespreek