+64

Die Tuishuise & Victoria Manor

102 resensies

Gastehuis

Soos Gesien op Facebook
Kapasiteit: 72 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Voortrekker and Market Street, Cradock, 5880, Oos-Kaap
Vanaf R1 300 per nag, vir 2 mense
TGCSA-gradering:

Beskrywing

Die Tuishuise is in die hartjie van Nxuba (Cradock) in die Oos-Kaap geleë. Die Tuishuise is pragtig opgeknapte Victoriaanse Karoostyl-gastehuise in die historiese Markstraat wat na Victoria Manor lei, 'n deftige hotel uit die jaar 1848. Antieke meubels skep elegante ruimtes in die kothuise en weerspieël die leefstyl van die Engelse en Duitse setlaars.

Die Tuishuise se losstaande eenhede wissel van eenhede met slaapplek vir 2 tot 6 gaste en het elkeen 1, 2 of 3 slaapkamers met dubbel- of enkelbeddens en 1 of 2 badkamers met 'n stort, bad, wasbak en 'n toilet elk. Die eenhede het ook elkeen 'n kombuisie met 'n yskassie, mikrogolfoond, 'n tweeplaatstoof en koffie- en teemaakgeriewe. Die Tuishuis met slaapplek vir 4 gaste het 2 badkamers waarvan 1 'n inrolstort met handrelings het.

Die gesinskamer bestaan uit 2 interverbonde kamers en is geskik vir 2 volwassenes en 2 kinders. Die eerste slaapkamer het 'n dubbelbed en die tweede slaapkamer het 2 enkelbeddens. Die kamers deel 'n badkamer met 'n stort, toilet en 'n wasbak. Daar is ook 'n waaier, tee- en koffiemaakgeriewe, 'n TV en WiFi.

Daar is ook 'n kothuis wat slaapplek vir 4 gaste het. Die eerste slaapkamer het 'n dubbelbed en die tweede slaapkamer het 2 enkelbeddens. Ander geriewe sluit 'n badkamer met 'n bad en stort, 'n sitarea en 'n kombuisie met 'n yskas, mikrogolfoond en tee- en koffiemaakgeriewe in.

Daar is ook 'n gemeenskaplike plonspoel, eetgeriewe vir alle maaltye en veilige parkeerplek op die perseel. Van die eenhede is troeteldiervriendelik, maar gaste moet asb. vooraf navraag daaroor doen sodat die korrekte eenheid bespreek kan word.

Die Karoo Comfort Zone, 'n gesondheid- en skoonheidsentrum, bied masserings en is die ideale plek om te ontspan. Al die behandelings word deur ervare terapeute gedoen.

Bespreek