+15

Dzata Lodge & Game Ranch

1 resensie

Wildsplaas

Kapasiteit: 12 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Farm Nelly 327 LS, Louis Trichardt, 0920, Limpopo
Vanaf R1 600 per nag, vir 2 mense

Beskrywing

Dzata Lodge & Game Ranch het in 2011 sy deure oopgemaak en is in die Bandelierkop-omgewing in die skadu van die pragtige Soutpansbergreeks geleë. Die hoofhek is maklik bereikbaar met 'n teerpad en die lodge bied 'n ontspanne, huislike atmosfeer met 'n selfsorgverblyf-opsie, maar etes kan ook ingesluit word.

Die lodge bied warm en vriendelike gasvryheid, sowel as netheid en gemak. Verblyf word in 3 chalets aangebied wat elkeen ten volle ingerig is vir selfsorg. Elke chalet beskik oor 'n volledige en suite-badkamer, lugversorging, en het toegang tot 'n plonspoel en privaat braai-area. Elke chalet het 4 driekwartbeddens, komplimentêre drinkwater, koffie en tee, sowel as badhanddoeke.

Die hooflodge het 'n sitkamer en kroegarea, etenstafels, volle DStv, gratis WiFi, 'n verhitte plonspoel, 'n ten volle toegeruste kombuis, 'n binne- en buitebraai, en 'n boma-area. Die lodge is ideaal vir klein groepe, 'n familie-bymekaarkoms, intieme bos-troues, verjaarsdag-vieringe, naweek-wegbreke en sake-geleenthede.

Die 1200 ha-wildplaas het verskeie wildspesies, soos duiker, steenbok, rooibok, koedoe, waterbok, eland, gemsbok, wildebees, sebra, kameelperd, vlakvark en volstruis. Die kenmerkende habitat met sy pragtige Marula- en Matoppi-bome maak dit ideaal vir staproetes en daar is ook 'n wildrit-opsie. Voëlkykers sal ook verskeie opwindende voëlkyk-geleenthede geniet.

Bespreek