+21

Four Seasons 801

Selfsorg

Kapasiteit: 4 persone
2 volwassenes, 2 kinders
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 47 Buitenkant Street, Zonnebloem, Cape Town, 7925, Wes-Kaap
Vanaf R1 331 per nag, vir 2 mense

Beskrywing

801 Four Seasons is 'n selfsorgwoonstel in 'n veilige gebou in Kaapstad se middestad. Die gebou is ideaal naby 'n verskeidenheid sake- en vakansiegeriewe.

Dié woonstel is op die agtste verdieping en is toeganklik met 'n hysbak. Die woonstel het 1 slaapkamer en 'n badkamer. Die slaapkamer het 'n koningingrootte-bed en 'n uitsig oor Leeukop en Seinheuwel. Die badkamer het 'n stort, wasbak en 'n toilet. Die kombuis is volledig toegerus met 'n yskas-vrieskas, gasstoof, elektriese oond, mikrogolfoond, ketel, koffiemasjien, broodrooster, en 'n verskeidenheid breekware, eet- en kookgerei. Daar is selfs 'n wasmasjien-tuimeldroër.

Die leefarea het 'n groot platskerm-TV met Netflix, en gratis optiesevesel-internet is beskikbaar. Die woonstel het ook lugversorging en -verwarming. Die gebou het 'n gemeenskaplike gimnasium en 'n swembad op die dak.

Neem asb. kennis dat die swembad vanaf 4 April 2019 nie beskikbaar sal wees nie. Die eiendom het 'n rugsteun-kragopwekker en word dus nie deur beurtkrag geraak nie.

Bespreek