Beskrywing

Hartenbos akkommodasie Letjiesbos 101 is in die gewilde dorpie Hartenbos geleë en gerieflik gemeubileer vir 6 mense. Die eenheid is nuut gemeubileer en toegerus.

Die woonstel beskik oor 3 slaapkamers en 2 badkamers. Die hoofslaapkamer het 'n dubbelbed. Die tweede slaapkamer het 2 enkelbeddens. Die derde slaapkamer het 2 enkelbeddens. Die 2 badkamers het elk 'n stort, toilet en wasbak en die en suite-badkamer in die hoofslaapkamer het 'n bad. Alle beddegoed word voorsien.

Die oopplan-kombuis is goed toegerus vir selfsorg met 'n vierplaatstoof, oond, mikrogolfoond, yskas-vrieskas, outomatiese wasmasjien, ketel, breekware en eetgerei asook 'n ontbythoekie met stoele. Die gerieflike leefarea is toegerus met 'n platskerm-TV en volledige DStv. Die leefarea lei na 'n privaat patio met 'n ingeboude braai, buitetafel en stoele en 'n grasperk. Die eenheid is met 'n Trellidoor beveilig.

Onderdakparkeerplek vir 1 voertuig en 'n tweede parkeerplek vir 'n sleepwa asook gasteparkeerplek word voorsien. Gaste moet eie was- en droë lap, bad- en strandhanddoeke saambring. Die eenheid maak gebruik van voorafbetaalde elektrisiteit.

Die kompleks is stapafstand (600 m) vanaf die strand, Hartenbos Winkelsentrum (400 m), die superbuis, warm binnenshuise swembad, verskeie restaurante en sowat 900 m vanaf die ATKV Amfiteater.

Neem asseblief kennis dat die verblyf ongelukkig nie matrikulante op hul eie toelaat nie.