+65

Hartenbos Mountain View

5 resensies

Selfsorg

Kapasiteit: 12 persone
Alle ouderdomme is welkom
Inkloktyd: 14:00 tot 17:00
Uitkloktyd: 11:00
Adres: 83 Geelhout Avenue, Hartenbos Heuwels, Mossel Bay, 6520, Wes-Kaap
Vanaf R1 500 per nag (plek vir 4)

Beskrywing

Hartenbos Mountain View is 'n ruim, selfsorghuis in Mosselbaai wat met 'n asemrowende uitsig op die berge spog. Dit is net 'n hanetreetjie vanaf die Hartenbos Waterfront en winkelsentrums.

Die huis bied slaapplek aan 8 gaste en beskik oor 4 slaapkamers en 3 badkamers. Die hoofslaapkamer het 'n koningingrootte-bed en 'n en suite-badkamer met 'n stort, bad, wasbak en 'n toilet. Die tweede slaapkamer het 2 enkelbeddens en die 2 oorblywende slaapkamers het albei dubbelbeddens. Die aparte badkamers het elk 'n stort, wasbak en 'n toilet, en een van hulle het ook 'n bad.

Die oopplanleefarea beskik oor 'n kombuis wat met 'n stoof, oond, mikrogolf, dubbeldeur-yskas-vrieskas, broodrooster, ketel, lugbraaier, eetgerei en breekware toegerus is. Daar is ook 'n skottelgoedwasser, wasmasjien en 'n tuimeldroër. 'n Etenstafel met sitplek vir 8 is langs die kombuis beskikbaar.

Die sitarea het gemaklike sitplek, 'n TV met die volle DStv-pakket en gratis WiFi. Daar is 'n ekstra TV in die hoofslaapkamer en nog een in die onderste TV-kamer. Die huis is met 'n sonkragstelsel en 'n omsetter om beurtkrag te vermy toegerus.

Die buite-area is ideaal vir onthaal en spog met 'n braai-area, sitplek en 'n buiteverwarmer op die stoep, net langs die sitarea.

Veilige parkeerplek is vir 2 voertuie in 'n afstandbeheerde toesluitmotorhuis op die perseel beskikbaar.

Die onderste verdieping van die huis kan apart as 'n eenheid op sy eie bespreek word.

Bespreek