+41

Honeyguide Tented Safari Camp - Ranger Camp

1 resensie

Tentekamp

Kapasiteit: 38 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 23 Sterk River, Entabeni Game Reserve, Limpopo, 0630, Limpopo
Vanaf R7 000 per nag, vir 2 mense

Beskrywing

Honeyguide Tented Safari Camp - Ranger Camp skuil in die Entabeni Reservaat in die Waterberg Biosfeerreservaat, wat malariavry en 'n Wêrelderfenisgebied is.

Dié kamp bied wild-ervarings, insluitende die Groot 5, ongelooflike voëlkykgeleenthede en puik kookkuns. Die reservaat bied 'n tuiste vir 5 verskillende ekosisteme, grootwild, en ongelooflike natuurtonele.

Ranger Camp se 15 tente staan in die reservaat se lowerryke plantegroei en bied 'n Groot 5- en safari-lewenstyl in die natuur. Al die tente is verhewe en het privaat badkamers en buitestorte. Elke tent het 'n grasdak en 'n privaat stoep waarop jy in jou safari-stoel kan sit met 'n drankie en die sterre bewonder of vir die wild kyk wat hulle eie gang gaan in die heininglose kamp.

Ranger Camp se kookkuns is definitief 'n hoogtepunt. Dit word gemeenskaplik bedien en gewoonlik by die lang tafel in die buitelug genuttig. Plaaslike produkte word gebruik om tuisgemaakte geregte voor te berei en dit word pragtig voorgesit.

Die professionele veldgidse bied vroegoggend- en laatmiddagsafari's in oop wildkykvoertuie. Skemerkelkies en 'n asemrowende uitsig op die Geelhoutkloof is ingesluit by die laatmiddag- en aandsafari's.

Bespreek