Beskrywing

Kliphuis 1 @ Vyver's Rus is op 'n privaat plaas 10 km buite Ladysmith geleë en skuil aan die voet van die Klein-Swartberg in die Klein-Karoo. Die plaas is naby die gewilde Roete 62, wat deur hoofteerpaaie met Kaapstad en Oudtshoorn verbind word.

Dié oopplan-kothuis bied slaapplek aan 6 gaste en beskik oor 'n solderarea met 'n dubbelbed en 2 enkelbeddens. Die leefarea het 'n dubbelbed. Daar is 'n stort, wasbak en 'n toilet is in die badkamer.

Die leefarea beskik oor 'n kombuisie wat met 'n gasstoof, yskas, eetgerei, breekware en tee- en koffiemaakgeriewe toegerus is. Hierdie area het ook 'n etenstafel en 'n knus sitarea met gemaklike sitplek en 'n kaggel.

Dié leefarea lei na 'n houtbalkon met 'n piekniekbank en pragtige uitsigte oor die dam en op die berg. Die kothuis het nie elektrisiteit nie, maar daar is 'n gasgeiser vir warm water. Die LED-ligte en die yskas word deur sonkrag aangehou.

Aktiwiteite in die omliggende area sluit voetslaan, perdry, 4x4, wildkyk, wynproe en voëlkyk in. Gaste kan die Touwsberg Privaat Wild- en Natuurreservaat, wat 35 km vanaf die plaas geleë is, besoek.