Beskrywing

Kozmos skuil in Larola Terraces, 'n privaat kompleks met sekuriteitspatrollies net 'n klein entjie se ry naby Clarens se middedorp met al sy galerye, restaurante en interessante winkels.

Dié helder eenheid het 'n gerieflike dubbelbed, 'n sit- en teetarea, 'n kombuisie wat ten volle toegerus is vir selfsorg, 'n TV met die volle DStv-pakket en 2 enkelbeddens op die tussenvloer. Die badkamer het 'n stort en daar i s'n privaat patio en 'n tuin met braaigeriewe en tuinmeubels. Gehaltelinne en handdoeke word voorsien en die koffie- en teemaakgeriewe en toiletware is komplimentêr.

Parkeerplek vir 1 motor is op die perseel beskikbaar.

Daar naby is 2 uitstekende gholfbane, wonderlike forelhengel, staproetes, geskiedkundige ontdekkings (fossielterreine, dinosourusspore, San-rotskuns), perdry en wildbesigtiging. Talle ander buitelug-doendinge is ook beskikbaar en daar is ’n ski-oord in Lesotho, sowat 90 km hiervandaan.

Die ongelooflike sandsteenberge en heerlike klimaat maak Clarens een van die gewildste en mees skilderagtige wegbreekplekke in Suid-Afrika.l