Heerlik uitgerus, daar was ook hout vir die braaier en boma klaar reggepak. Pragtige, veilige en rustige plek. Lekker stil op die plaas, gemaklike huis netjies en skoon. Gasvrou baie vriendelik en lekker broodjie gebak vir ons en beskuitjies. Melk, tee, koffie en suiker voorsien.

Voortreflike gasvryheid. Gerieflike huisie op 'n werkende Karoo-plaas, met alles wat nodig is. Die varsgebakte broodjie en gepakte vuur was 'n bonus. Baie dankie vir 'n lekker kuiertjie op 'n sopnat stormagtige Karoo-nag.

Lekkerste plaasverblyf in 'n veilige omgewing. Ons het baie lekker gebly tydens ons road trip na Pretoria! Jannelie was baie gasvry en was so gaaf om vir ons die lekkerste vars brood te bak en selfs die hans kalf gebring sodat my dogtertjie die kon melk gee. Sal definitief aanbeveel en weer daar gaan kuier.

Egte Karoo ervaring. Heerlik! Kudu Haven bied 'n lieflike Karoo ervaring. Die plaas is netjies en die huis is aangenaam. Die staproetes was besonders en die swembad 'n groot plesier. Jannelie was baie behulpsaam! Ons beveel graag Kudu Haven aan vir enige gesin.

Rustig en goed toegeruste kombuis. Baie lekker rustig. Sou graag wou gestort het. Alles in 'n enkel badkamer net bietjie ongemaklik vir 8 persone.

Waarde vir geld. Rustige oornag blyplek as jy hou van die platteland. Lekker met klein kinders, want hulle kon buite speel terwyl ons braai. Ek sal ook aanbeveel indien jy vir 'n naweek wil wegbreek. Die elektriese kombers was 'n bonus vir die koue in die Karoo.

Baie goed. Baie goeie oornagplek en uitstekende gasvryheid van die gasheer. Sal beslis aanbeveel.

Lieflike plaas en gasvrye gasvrou en gaskinders. Heerlik rustig! Ons kon lekker ontspan.

Alles wat ons nodig gehad het, was daar. Ons het baie lekker gebly.