+114

Lagoon Lodge

163 resensies

Lodge

Kapasiteit: 15 persone
Geen kinders onder 10
Inkloktyd: 14:00 tot 23:00
Uitkloktyd: 10:00
Adres: 140 Old Cape Road, Knysna, 6570, Wes-Kaap
Vanaf R900 per nag, vir 2 mense

Beskrywing

Lagoon Lodges is in die pragtige dorp, Knysna, geleë. Knysna is 'n natuurlike paradys met welige, inheemse woude, pragtige mere en goue strande. Die strande, mere, berge en riviere is 'n lushof vir ontspanning
en avontuur in die buitelug.

Elke kamer het DStv, 'n yskassie en 'n ketel. Kamer 1 en Kamer 2 het elk 'n koninggrootte-bed en 'n en suite-badkamer met 'n stort. Kamer 1 en 2 op die boonste verdieping het elk 'n privaat balkon. Kamer 3 en 4 op die grondverdieping het elk 'n koninggrootte-bed en toegang tot die balkon met ongelooflike uitsigte. Op dieselfde vloer as die ingang is daar 2 kamers met 'n eetkamer tussenin en 'n sitarea vir jou gerief. Eenheid 7 en 8 het selfsorggeriewe, asook 'n koninggrootte-bed, 'n kombuisie en 'n badkamer met 'n stort. Eenheid 6 is 'n sakpaskamer met 2 enkelbeddens in die hoofslaapkamer en 'n ekstra enkelbed in die leefarea, 'n badkamer en 'n kombuis. Gratis WiFi is beskikbaar in al die kamers.

Ons bedien 'n lekker driegang-ontbyt in die eetkamer of op die balkon wat oor die strandmeer uitkyk. 'n Vroeë ontbyt kan gereël word. Ons gaste word dikwels verras deur die Knysna-loeries in die bome digby die balkon. Braaigeriewe in die tuin. Pendeldiens na en vanaf die lughawe kan gereël word, sowel as
daguitstappies en -toere.

En boonop is ons akkommodasie nie net 'n bederfie vir ieder en elk nie - dis ook bekostigbaar. Daar is ook 'n rugsteunkragstelsel om die ligte, TV en WiFi tydens beurtkrag aan te hou.

Bespreek