+18

Lorelei Guest House

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 40 Stockenstrom Street, Bodorp, 6529, Wes-Kaap
Vanaf R2 720 per nag, vir 6 mense

Beskrywing

Lorelei Guest House is 'n modern versierde selfsorgvakansiehuis in die hartjie van Bodorp, George. Dit is 'n wonderlike opsie vir 'n gesin of 'n groep vriende wat die skilderagtige Tuinroete wil verken.

Dié eiendom bied gerieflike slaapplek vir altesaam 6 gaste op 'n slag en beskik oor 3 slaapkamers en 2 badkamers. Die hoofslaapkamer is ingerig met 'n koningingrootte-bed, die tweede slaapkamer het 'n dubbelbed en die derde slaapkamer het 2 enkelbeddens. Die 2 badkamers is toegerus met 'n bad en 'n stort, onderskeidelik. Alle linne en badhanddoeke word voorsien.

Die oopplan-leefarea beskik oor 'n kombuis wat volledig toegerus is met 'n stoof, oond, mikrogolf, yskas-vrieskas, skottelgoedwasser, eetgerei en breekware asook 'n ontbyttoonbank met stoele. Vanuit hierdie kombuis lei 'n etenstafel waar gaste hul maaltye saam kan geniet. Die sitkamer het gemaklike sitplek en 'n TV met Netflix. Toegang tot gratis WiFi is beskikbaar.

Buite is 'n gedeeltelik onderdakstoep met 'n buite-eettafel en 'n ingeboude braai wat die perfekte plek is vir gaste om te ontspan en saans 'n skemerkelkie te geniet. Gaste kry veilige parkeerplek agter 'n geslote hek. Die ligging van hierdie eiendom is ongeveer 7 km vanaf Fancourt Gholflandgoed, 11 km vanaf Victoriabaai, en George Lughawe is 11 km ver.

Bespreek