Beskrywing

Arabella No. 2 is 'n lieflike drieslaapkamerwoonstel met pragtige uitsigte oor die strandmeer en die see. 'n 100 m-wandeling sal jou na Margate se strand bring.

Die eenheid beskik oor 1 slaapkamer met 'n dubbelbed met lugversorging en 'n en suite-badkamer. Die tweede slaapkamer het 'n dubbelbed en die derde slaapkamer het 2 enkelbeddens. Daar is ook 'n tweede badkamer.

Die eenheid is pragtig gemeubileer en beskik oor 'n oopplan-sitarea, -eetarea en -kombuis. Die kombuis het ondermeer 'n tuimeldroër, wasmasjien en mikrogolfoond. Daar is 'n TV, en 'n DStv-dekodeerder. Die DStv is permanent aangeskakel.

Daar is 'n lieflike veranda met skuifdeure wat na die sitarea lei, en daai is 'n ingeboude braai. Die lieflike see-uitsig maak van hierdie woonstel die ideale plek vir 'n ontspannende vakansie.

Linne en badhanddoeke word voorsien. Bring asseblief jou eie swemhanddoeke.

Die eenheid is ideaal geleë en is baie naby Margate se dorpskern, asook die hoofstrand. Toegang tot die strand word verskaf deur 'n hekkie aan die onderkant van die kompleks.