+28

Ocean Breeze

9 resensies

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 17:00
Uitkloktyd: 07:00
Adres: 6 Ocean View Road, Marina Beach, Southbroom, 4281, KwaZulu-Natal
Vanaf R3 000 per nag (plek vir 8)

Beskrywing

Ocean Breeze is 'n selfsorg-vakansiehuis in Marina Beach in KwaZulu-Natal, net suid van Margate, tussen die dorpies San Lameer en Southbroom. Die huis is naby die hoofstrand en die strandmeer waar mens kan visvang.

Die huis bied slaapplek vir tot 8 gaste en bestaan uit 3 slaapkamers, 2 badkamers en 'n buiteslaapkamer met 'n en suite-badkamer. Die hoof- en tweede slaapkamer het elk 'n dubbelbed. Die derde slaapkamer het 2 enkelbeddens, terwyl die buiteslaapkamer 'n dubbelbed het. Gaste moet hul eie handdoeke saambring.

Die kombuis is volledig toegerus vir selfsorg en bevat 'n stoof, oond, yskas-vrieskas, mikrogolfoond, eetgerei en breekware. Daar is 'n wasmasjien in die motorhuis. Die eetarea het sitplek vir 6 mense, terwyl die sitkamer 'n gemaklike sitkamerstel en 'n platskerm-TV met 'n DStv-toegangspunt het. Bring asseblief u eie dekodeerder en slimkaart.

Buite op die balkon, wat oor die swembad uitkyk, is daar 'n tafel en stoele en bied 'n uitsig oor die see. Die eiendom is volledig omhein met 'n alarmstelsel.

Marina Beach is 'n dorpie met baie natuur en dierelewe. Dit is lekker om in die dorpie en op die strand rond te stap. Daar is ape, bosbokke en blouduikers en 'n verskeidenheid voëls in die omgewing. Daar is 'n klein winkeltjie wanneer jy Marina Beach binnekom, terwyl jy in die dorpie 'n pizzeria, kwekery en die bekende blouvlagstrand met 'n restaurant en getypoel sal vind.

Bespreek