+30

Primespot

13 resensies

Selfsorg

Kapasiteit: 23 persone
Alle ouderdomme is welkom
Inkloktyd: 14:00 tot 22:00
Uitkloktyd: 10:00
Adres: Kabeljou Road, Birkenhead, Gansbaai, 7220, Wes-Kaap
Vanaf R5 130 per nag (plek vir 23)

Beskrywing

Primespot is 'n ruim selfsorg vakansie strandhuis wat net 'n paar meter van die seewater af geleë is. Dit kan 'n goeie opsie wees vir 'n groot gesin of 'n groep vriende wat op soek is na 'n kuswegbreek, want hierdie eiendom het asemrowende see-uitsigte.

Hierdie eenvoudige eiendom is ideaal vir groepe en beskik oor 8 slaapkamers en 5 badkamers. Daar is 4 slaapkamers wat met 'n dubbelbed ingerig is, 2 slaapkamers met 'n driestapelbed in elk, nog 'n kamer met 2 stapelbeddens, 'n dubbelbed en 'n enkelbed en nog 'n kamer met 'n enkelbed. Boonop is daar 'n dubbelbed en 3 enkelslaapbanke in die leefarea. Vir ekstra gaste kan matrasse en beddegoed gereël word. Beide bad- en stortgeriewe is in die huis beskikbaar. Alle linne en badhanddoeke word voorsien; gaste moet egter hul eie strandhanddoeke saambring.

Die ruim leefarea beskik oor 'n kombuis wat volledig toegerus is met 'n gasstoof, elektriese oond, mikrogolf, yskas-vrieskas, eetgerei en breekware asook tee- en koffiemaakgeriewe. Van die kombuis af lei 'n sitkamer en etenstafel. Boonop het hierdie huis 'n wonderlike onthaalarea met 'n pooltafel, 'n veerpyltjiebord en oorgenoeg gemaklike sitplek. Daar is ook 'n binnebraaikamer met baie eetplek asook 'n TV met Netflix. Toegang tot gratis WiFi is beskikbaar.

Buite is daar 'n sonnige patio met sitplek buite en 'n draagbare braai. Hierdie patio het 'n houtbrandbad wat ideaal is vir gaste om te ontspan terwyl hulle die uitsigte bewonder. Tydens beurtkrag word die eiendom gerugsteun deur sonpanele en 'n kragopwekker. Die ligging van hierdie huis is naby Dangerpoint-vuurtoring in Kruismansbaai, net buite Gansbaai.

Bespreek