Heerlike verblyf, Annemarie is 'n puik gasvrou. Heerlike verblyf, Annemarie is 'n puik gasvrou. Als was smaakvol, en die vars brood was 'n heerlike bederf. Sal beslis weer daar gaan kuier.

Wow, wat 'n surprise, skoon netjies en als wat jy nodig het. Gasvryheid 200%. Ongelooflik lekker en sal dit enige tyd aanbeveel.

Rustige wegbreek. Die plek is perfek vir 'n rustige wegbreek. Die tuin is pragtig, die huisie is gerieflik en die gasvrou kwyt haar uitstekend van haar taak. Sy het ontsettend baie moeite gedoen om ons baba so gemaklik as moontlik te laat bly.

Ruim, veilig, rustig en smaakvolle verblyf met genoeg krag en water! Wat 'n wonderlike wegbreek! Die verblyf is rustig geleë, en so veilig. Die swembad is 'n pluspunt vir die warm weer, en ons seun het regtig dit geniet. Anne-Marie se kommunikasie was puik, en die varsgebakte brood was so lekker vir ons na tyd op die pad. Regtig 'n wonderlike manier om mens welkom te laat voel. Die akkommodasie is ruim, smaakvol, en die tuin pragtig! Dankie dat julle ons so welkom laat voel het.

Hartlike ontvangs; pragtige tuin; veilige parkering. Ons het baie lekker gekuier. Die vars tuisgebakte brood was 'n heerlike verrassing. Ook die feit dat albei kamers en-suite badkamers het. Die beskrywing sê net een is en-suite.

Oase. Luuks. Lieflik. Hierdie is 'n wonderlike plek om te bly - die tuin is 'n oase na 'n lang oggend se rondloop of rondrits. Die gasvrou gaan uit haar pad uit om te help en te akkommodeer - dit voel asof 'n mens by 'n goeie vriendin bly. Sy het boonop vir ons die heerlikste brood gebak as geskenk - baie spesiaal.

Pragtige plek met 'n wonderlike gasvrou en perfekte ligging. Ons het vreeslik 'lekke geslaap' by die akkommodasie en was verwelkom met 'n heerlike tuisgebakte brood. Die plek is alles wat ons nodig gehad het as 4 vriendinne wat net lekker wou ontspan. Dis baie goed geleë naby restaurante en aktiwiteite en ons het altyd veilig gevoel. Die lugversorging was ook baie verwelkom op die koue aande. Ons sal vir seker die akkommodasie en haar oulike woef aanbeveel.

Ons hele naweek was nog soveel beter as wat ons ooit voor kon hoop! Ons kan net met die heel grootste lof praat oor Red Olive Guest House & Studio! Van die staanspoor af het die gasvrou ons met ope arms en met 'n oop hart ontvang. Sy het konstant seker gemaak dat ons aan niks tekort skiet nie. Alles daar is so mooi, dit voel asof jy by 'n kunsgalery tuisgaan. Die feit dat die gastehuis soveel privaatheid bied, was vir ons ook 'n reuse pluspunt. Dankie vir 'n onvergeetlike naweek. Jy is 'n gasvrou duisend!