Die huis is goed ingerig vir 'n gemaklike naweekkuier met vriende. Baie ruim huis met alle geriewe. Die skoon linne in die gerieflike, private en-suite slaapkamers het beïndruk. Dit was heerlik om die verhitte swembad te gebruik en mens kan lekker op die groot landgoed stap. Die vriendelike gasvrou het dadelik op versoeke gereageer. Ons sal graag weer gaan.

Baie lekker. Sal huis weer gebruik maar in die somer.

Beste gholfhuis ooit. As vrouens van ywerige gholfers, het ons al wyd en syd oor die land gebly in wooneenhede op gholfbane. Hierdie was die beste ooit, omdat daar ander lekker doen-dinge in die huis en in die omgewing is. Dit was ook lekker om te swem en op die oord rond te stap. Die kamers is ruim, nie die gewone een groot kamer en verder klein hokkies nie. Dis werklik geskik vir 4 pare, of 'n gesin. Die badkamers is gerieflik en gebruikersvriendelik. Die kombuis is baie goed toegerus, en die keuse van binne of buite braai was 'n bonus toe die weer geniepsig geraak het. Puik.

Baie lekker gewees, sal beslis weer wil gaan. Regtig 'n baie netjiese plek, eienaar baie vriendelik, het sommer dadelik tuis gevoel. Het die gholf baie geniet en die kinders het die swembad en speletjies in die huis ook geniet. Pragtige uitsig op gholfbaan, het ook lekker gebraai en rugby gekyk.

Baie gerieflik en luukse akkommodasie met vriendelike diens. Verblyf was 'n plesier. 'n Voorstel is om vatlappies te verskaf om warm kastrolle uit oond te haal of om braaibak van braai af te haal.

Perfekte verblyf vir 'n groot groep. Ongelooflike lekker verblyf vir 'n groot groep. Baie om te doen en baie netjies.

Ruim huis met baie doendinge. Die pooltafel en tafeltennis was 'n bonus. Dit was baie koud en d binnebraai en kaggel was lekker. Ruim oopplan-huis, bokkies loop kort-kort verby. Voel baie veilig en mooi uitsig op die gholfbaan. Gasvrou is uitstekend.