+70

Cast Away @ Romansbaai

2 resensies

Selfsorg

Kapasiteit: 6 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: 340 Oystercatcher Road, Gansbaai, 7220, Wes-Kaap
Vanaf R4 725 per nag (plek vir 6)

Beskrywing

Cast Away @ Romansbaai is op 'n nuwe en luukse landgoed sowat 6 km buite Gansbaai. Die huis is nuut gebou in 2023 en bied asemrowende uitsigte oor die fynbos. Die huis is gebou in die vorm van 'n vierkant met 'n grasperk en swembad in die middel van die vierkant. Die huis beskik oor 'n oopplan-leefarea met groot vensters en skuifdeure wat na alle kante van die huis kan oopmaak.

Hierdie smaakvolle huis bied slaapplek aan 6 gaste en beskik oor 3 slaapkamers, elkeen met sy eie en-suite badkamer. Die oopplan-leefarea het 'n sitarea, eetarea en 'n kombuis. Die eetarea het 'n etenstafel met sitplek vir 10 en 'n ingeboude braai. Die kombuis is met 'n gasstoof, oond, mikrogolf, yskas-vrieskas, skottelgoedwasser, wasmasjien, eetgerei en breekware toegerus. Die sitarea het gemaklike sitplek, 'n koffietafel en 'n TV.

Gratis WiFi is beskikbaar. Die huis bied direkte toegang tot 'n privaat strand, met verskeie watersportsoorte soos staandplankry en swem. Die landgoed spog ook met wild soos springbokke, elande en sebras wat vrylik rondloop tussen die huise. Die landgoed is veilig, omhein en het 24 uur-sekuriteit. Gaste kan op die landgoed stap of draf.

Die hoofslaapkamer het 'n koningingrootte-bed en 'n en-suite badkamer met 'n lieflike bad, groot instap-dubbelstort met skuifdeure wat kan oopmaak na buite met 'n uitsig oor die fynbos. Die hoofslaapkamer het ook groot glasskuifdeure aan beide kante wat oopmaak na buite. Die tweede slaapkamer het 'n koningingrootte-bed en 'n en suite-badkamer met 'n groot instapstort, toilet en 'n wasbak. Hierdie kamer het ook groot glasskuifdeure wat kan oopmaak na buite. Die laaste slaapkamer het 'n koningingrootte-bed en 'n en-suite badkamer met 'n groot instapstort, toilet en wasbak. Hierdie kamer het ook groot glasskuifdeure wat kan oopmaak na buite. Gehaltelinne en badhanddoeke word voorsien. Gaste moet asb. hul eie swemhanddoeke saambring.

Bespreek