+22

Rosenhof Country House

5 resensies

Hotel

Kapasiteit: 26 persone
Alle ouderdomme is welkom
Inkloktyd: 14:00 tot 19:00
Uitkloktyd: 11:00
Adres: 264 Baron van Reede Street, Oudtshoorn, 6625, Wes-Kaap
Vanaf R7 235 per nag (plek vir 2)
TGCSA-gradering:

Beskrywing

Rosenhof Country House is geleë aan die buitewyke van Oudtshoorn op pad na die Kangogrotte en volstruisplase. Hierdie noukeurig gerestoureerde opstal (circa 1852), met sy geelhoutbalke en -plafonne en smaakvolle versameling antieke meubels straal 'n outentieke atmosfeer uit.

Die lieflike roostuin, waar Rosenhof sy naam kry, lei na stylvol versierde slaapkamers wat elkeen individueel gemeubileer is. Al die kamers het lugversorging, satelliet-TV, telefoon, kroegie, koffie- en teemaakgeriewe en 'n privaat digitale kluis. Die en suite-badkamers het afsonderlike baddens en storte, verhitte handdoekrelings, haardroërs en kamerjasse. Die twee mees luukse suites het elk sy eie swembad, sitkamer en patio met rustige uitsigte oor die Swartberge.

Rosenhof het 'n knus kroeg en verskeie luukse sitkamers met kaggels waar gaste kan ontspan. Daar is gratis WiFi in die rookkamer. 'n Kunsgalery met kunswerke van bekende Suid-Afrikaanse kunstenaars is onlangs ook tot Rosenhof Country House bygevoeg. Koel af in die swembad in die somer, drink tee in die netjiese tuine of besoek die welweessentrum met sy ten volle toegeruste gimnasium, sauna en skoonheidskliniek.

Die restaurant spesialiseer in tradisionele boerekos met 'n tikkie cordon bleu en saam met die uitgebreide wynversameling is 'n ete by Rosenhof altyd 'n onvergeetlike ervaring. Ontbyt word bedien in die sonnige ontbytkamer met 'n uitsig oor die tuine, wat dit net so onvergeetlik maak.

Rosenhof se luukse geriewe en uitstekende diens maak dit een van die mooiste ondernemings in die omgewing.

Bespreek