+38

Rus 'n Bietjie

117 resensies

Selfsorg

Kapasiteit: 8 persone
Alle ouderdomme is welkom
Inkloktyd: 15:00 tot 23:00
Uitkloktyd: 10:00
Adres: 37 Main Road, Agulhas, 7285, Wes-Kaap
Vanaf R2 150 per nag, vir 8 mense

Beskrywing

Rus 'n Bietjie is 'n eenvoudige vissershuisie wat in 1938 gebou is en is een van die oudste huise op L'Agulhas. Dit is baie naby die see (30 m soos die kraai vlieg) en bied 'n pragtige uitsig. Dit is naby die historiese Soldatepoel aan die see se kant van die hoofpad, met net 'n muurtjie tussen die huis en die see. Die see is slegs 100 tree ver.

Rus 'n Bietjie is 'n selfsorghuisie met geverfde sementvloere en 'n paar krakies hier en daar weens ouderdom. Tog het dit heelwat karakter. Die lae deurrame kom byvoorbeeld van ou skuite af. Daar is 3 slaapkamers. Die eerste slaapkamer het 'n dubbelbed en 'n see-uitsig, die tweede een het 3 enkelbeddens en 'n see-uitsig, en die derde een het 3 enkelbeddens en 'n berg-uitsig. Dit het slaapplek vir 8 gaste, maar is meer ideaal vir 6 gaste. Die badkamer het 'n toilet, wasbak, bad en ’n stort. Let daarop dat die toilet effens laer as 'n normale toilet is. Daar is 'n buitetoilet wat 'n normale hoogte is en ideaal vir wanneer daar gebraai word.

Die kombuis het 'n mooi see-uitsig en 'n vierplaatstoof en oond, 'n mikrogolf, broodrooster, yskas-vrieskas, broodrooster, ketel en al die kombuistoebehore wat gaste sal nodig kry vir selfsorg. Tee, koffie, 'n bak beskuit, skottelgoedseep, sout en peper word voorsien. Die oopplan-sitarea en -eetarea het 'n klein biblioteek en 'n TV. Daar is 'n OVHD-dekodeerder beskikbaar, maar gaste moet hul eie DStv-dekodeerder saambring. Daar is ook WiFi.

Rus 'n Bietjie se gewildste area is waarskynlik die groot onderdakstoep en braai-area met sy lieflike see-uitsig. Hiervandaan kan jy sien hoe die skepe heen-en-weer vaar, en nou-en-dan walvisse en dolfyne gewaar. Vanaf die stoep se hangmat kan jy boonop hierdie uitsigte geniet terwyl jy gemaklik agteroor lê.

Troeteldiere is welkom indien dit vooraf gereël word.

Rus 'n Bietjie val nie in almal se smaak nie. Dié wat egter iets ongewoons waardeer, na aan die natuur wil wees en 'n wonderlike see-uitsig verlang is gewoonlik dol oor Rus 'n Bietjie en beskou dit hulle gunsteling vakansiebestemming.

Bespreek

Kamer-opset

3 Slaapkamers • 2 Badkamers

Slaapkamer

1 x Dubbelbed

Slaapkamer

3 x Enkelbed / Driekwartbed

Slaapkamer

3 x Enkelbed / Driekwartbed

Badkamer

Stort, Bad, Toilet

Badkamer

Toilet

Dít is wat jy hier sal kry

Tee en koffie

Gratis, veilige parkeerplek

WiFi

Troeteldiere op versoek

Volledige kombuis

Wasmasjien

Braai

Resensies

4.3/ 5

Gebaseer op 117 resensies

Baie goed

Netheid

4.0

Ligging

4.6

Waarde vir geld

4.2

Diens

4.4

Veiligheid

4.4

Gaste se hoogtepunte

Marzanne A

Gesin met tieners

5.0

Het 'n fantastiese tyd gehad en die weer was perfek. Die lekkerste verblyf in 'n lang tyd! Die uitsig en lekker 'rustic' gevoel van die huisie, doen w...

Sien meer

Sep 2025

Nanje L

Gesin met klein kinders

5.0

’n Lieflike paar dae by die see! Ons het verskriklik lekker by Rus 'n Bietjie gebly! Daar is alles wat 'n mens nodig het - selfs WiFi! Nie dat ons dit...

Sien meer

Mei 2025

Bradley M

5.0

My eerste Paasfees na 5 jaar met my gesin, van onskatbare waarde en herinneringe. My en my familie se verblyf by Rus 'n Bietjie was fantasties en net ...

Sien meer

Apr 2025

Wendy P

Saam met lewensmaat

5.0

Absolutely beautiful. See stars.

Word in die oorspronklike taal vertoon.

Des 2024

Corrie V

Saam met lewensmaat

5.0

Ongelooflik! Dit was een van die lekkerste blyplekke waar ons nog was! Sal definitief weer gaan!