+12

SANParks Varswater Coastal Camp Site

1 resensie

Kampeer/karavaan

Kapasiteit: 24 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: Off the N7, Namaqua National Park, 8241, Noord-Kaap
Vanaf R178 per nag, vir 2 mense

Beskrywing

SANParks Varswater Coastal Camp is in die Namakwa Nasionale Park in die hartjie van die Karoo. Die park het baie uitgebrei en strek tans vanaf die bekende Skilpad-gedeelte naby Kamieskroon op die platorand weswaarts tot by die kus. Dis 'n landskap van kontraste met verskeie spesies wat by die geharde klimaat aangepas het. Plate veldblomme, 'n helder sterrehemel, kokerbome, enorme granietrotse en die yskoue Atlantiese Oseaan is maar enkele van die natuurwonders in dié geweste.

Varswater is teen 'n rotsagtige kuslyn. Daar is 'n klein baai naby. 'n 4x4-voertuig is nodig om die kamp te bereik.

Die Varswater Coastal Camp Site is 'n rustieke kampplek wat poog om die wildernis-karakter van hierdie kuslyn te behou. Gaste moet alle kamptoerusting saambring. Daar is 4 kampplekke wat elkeen 'n muur het om die wind te breek, asook 'n braai-area. Die kampplekke het nie water, elektrisiteit of ablusiegeriewe nie, maar daar is kompostoilette. Daar is ook nie selfoonsein nie.

Hout is by die Groenrivierhek beskikbaar, maar gaste word nogtans aangeraai om hul eie hout saam te bring.

Bespreek