+27

Seaclusion

1 resensie

Selfsorg

Gratis kansellasie tot 1 week voor jou verblyf!
Kapasiteit: 10 persone
Alle ouderdomme is welkom
Inkloktyd: 14:00 tot 17:00
Uitkloktyd: 10:00
Adres: 27 Beyers Street, Onrus, 7201, Wes-Kaap
Vanaf R4 500 per nag, vir 10 mense

Beskrywing

Seaclusion bied 'n vakansiewegbreek in die kusdorpie, Onrus, en is ideaal vir groot gesinne of 'n groep vriende.

Die pragtige dubbelverdiepinghuis is geskik vir 10 gaste en beskik oor 4 slaapkamers wat elk uniek versier is. Die hoofslaapkamer het 'n koningingrootte-bed en 'n en suite-badkamer met 'n bad, stort, wasbak en toilet. Onder is die tweede en derde slaapkamer wat ook elk 'n koningingrootte-bed het en gaste in hierdie slaapkamers deel 'n badkamer met 'n stort, wasbak en toilet. Die vierde slaapkamer het 'n koningingrootte-bed, asook 2 enkelbeddens en sy en suite-badkamer het 'n stort, bad, wasbak en toilet. Linne en handdoeke word voorsien.

Die oopplan-leefarea en -kombuis is op die boonste verdieping. Die kombuis is met 'n yskas-vrieskas, stoof, oond, mikrogolfoond, basiese eetgerei, breekware en tee- en koffiemaakgeriewe toegerus. Daar is ook 'n sentrale toonbank met stoele waar gaste hul maaltye kan geniet. Die leefarea het gemaklike rusbanke, 'n TV met toegang tot Netflix, 'n kaggel en 'n etenstafel met stoele. Gratis WiFi is beskikbaar. Die huis het nog 'n aparte kombuisie onder wat met 'n yskas-vrieskas, mikrogolfoond en klein toonbank toegerus is.

Verder spog die huis met 'n groot dek wat 'n pragtige see- en berguitsig, stoepmeubels en braaigeriewe het.

Die huis is stapafstand vanaf rotspoele en die strand en is net 'n kort entjie se ry vanaf Hermanus waar daar verskeie wynroetes en markies is. Gaste kan ook op die strand gaan stap, voetslaan in die omgewing of in die see swem.

Bespreek