Voel soos vakansie! Amper nostalgies. Het baie lekker gebly, alles wat mens nodig het en naby geleë aan waar ons moes wees. Baie gerieflik en netjies.

Kwaliteit verblyf! Ek het 'n wonderlike tyd gehad by Small Stay! Alles was uitstekend – die vriendelike ontvangs vanaf die gasvrye eienaars tot die netjiese en goed toegeruste eenheid waarin ek gebly het. Die eenheid het beskik oor alles wat 'n mens nodig het, en die uitleg en dekor getuig van baie goeie smaak. Dis in 'n baie stil, rustige en veilige omgewing - naby die hospitaal wat 'n bonus was. Ek sal sonder twyfel weer hier bly, en sal Small Stay enige tyd aanbeveel.

10 uit 10 rus plekkie. Small Stay is 'n pragtige plekkie, met warm gasvryheid en regtig stylvolle kamers. Daar is alles wat jy nodig het en die diens is uitstekend. Dankie vir 'n heerlike kuiertjie, ons sien julle gou weer.

Uitstekende verblyf - word sterk aanbeveel. Ons het heerlik gebly by Small Stay. Die plekkie is pragtig, netjies en alles is perfek uiteengesit. Dit is duidelik dat daar met sorg en aandag aan detail beplan is. Die ligging is veilig en rustig, en ons is hartlik verwelkom deur 'n vriendelike gasvrou en gasheer wat regtig moeite doen om jou tuis te laat voel. Ek sal hierdie plek beslis aanbeveel.

Small Stay met 'n groot hart. Small Stay is die pragtigste plekkie! Die dekor is so keurig en die unieke meubels skep 'n lieflike atmosfeer. Die gasvrou het aan elke klein detail aandag gegee. Sy en haar man het ons behoorlik bederf en op die hande gedra. 'n Gasvrou en gasheer duisend! Die buite area is te heerlik, veral met vroegoggend koffie as die son deur die groot boom kom groet. Jy voel omvou met hartlikheid by die sprokie huisie. Ons kan Small Stay met volle vertroue aanbeveel. Sal beslis weer kom kuier.