+39

Sunset Cove

Selfsorg

Gratis kansellasie tot 1 week voor jou verblyf!
Kapasiteit: 8 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: 2 Crow's Nest Street, Plettenberg bay, 6600, Wes-Kaap
Vanaf R4 600 per nag (plek vir 8)

Beskrywing

Sunset Cove is 'n pragtige vakansiehuis met 'n asemrowende uitsig oor die see en op die berge. Dit is in 'n doodloopstraat in Plettenbergbaai en bied ruim en gerieflike selfsorgverblyf. Die huis is perfek vir gaste wat toegang tot verskeie strande, plaaslike restaurante en winkels wil hê. Dit is ideaal vir gesinne of groepe vriende.

Die huis beskik oor 4 slaapkamers en 3 badkamers en bied slaapplek aan 8 gaste. Die hoofslaapkamer het 'n koninggrootte-bed en 'n en suite-badkamer met 'n bad, stort, toilet en wasbak. Die tweede slaapkamer het 'n dubbelbed en 'n en suite-stort en wasbak. Die derde slaapkamer het 'n dubbelbed en die vierde slaapkamer het 2 driekwartbeddens. Gaste in laasgenoemde slaapkamers deel 2 badkamers, elk met 'n bad of 'n stort en 'n aparte toilet.

Die oopplan-leefarea en -kombuis is met 'n yskas-vrieskas, mikrogolf, oond, stoof, eetgerei, breekware en tee- en koffiemaakgeriewe toegerus. Die huis het ook 'n waskamer met 'n wasmasjien, tuimeldroër, skottelgoedwasser en vrieskassie. Die leefarea het 'n TV met Netflix en grens aan die eetarea en tweede sitarea wat lei na 'n balkon met 'n pragtige see-uitsig.

Ingeboude gas braaigeriewe en gemaklike buitesitplek is op die balkon beskikbaar. Daar is 'n swembad met 'n pragtige see-uitsig. Gratis WiFi en veilige parkeerplek agter 'n afstandbeheerde hek word voorsien.

Bespreek