+74

Sunset Splendour Guesthouse

36 resensies

Selfsorg

Kapasiteit: 14 persone
Alle ouderdomme is welkom
Inkloktyd: 14:00 tot 18:00
Uitkloktyd: 10:00
Adres: 7 Sea Cottage Drive, Noordhoek, 7985, Wes-Kaap
Vanaf R2 000 per nag (plek vir 2)
TGCSA-gradering:

Beskrywing

Sunset Splendour Guesthouse is in die pragtige, lowerryke Noordhoek-omgewing in Kaapstad en bied 4-ster boetiekverblyf in luukse kamers met badkamers, ruim sitareas, eetareas en volledig toegeruste kombuisies.

Noordhoek is net onder Chapman's Peak, halfpad tussen Kaapstad en Kaappunt geleë, en spog met die ideale ligging vir uitstappies na die skilderagtige Kaapse skiereiland. Dié voorstad is bekend vir sy prentjiemooi kuslyn en uitgestrekte witsandstrand waar mense graag perdry.

Sunset Splendour Guesthouse bied verblyf in 5 ruim woonstelle. Elke woonstel het moderne meubels, 'n volledig toegeruste kombuisie en 'n oopplan-leefarea. Die leefarea het 'n sit- en eetarea wat toegang bied tot 'n privaat stoep en tuin met lieflike uitsigte oor die see, mere en berge.

Sunset Splendour is stapafstand vanaf verskeie winkelsentrums. Die woonstelle is net 'n paar minute se ry vanaf Noordhoek se strand, die Chapman's Peak-pad en die meer beskutte strand by Vishoek in Valsbaai, wat 'n heerlike swemstrand is. Dit is ook naby verskeie winkels waar gaste kos en voorraad kan koop. Silvermine Natuurreservaat, Cape Point Vineyards-wynlandgoed en -restaurant, en die Noordhoek Farm Village, 'n oulike kunsvlyt-sentrum met heerlike restaurante en 'n speelarea vir kinders, is ook baie naby.

Bespreek