The Lab @ Kaleo Guest Farm

Selfsorg

Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Malabar Farm, Koue Bokkeveld, Ceres, 6835, Wes-Kaap
Vanaf R2 080 per nag, vir 4 mense

Beskrywing

The Lab @ Kaleo Guest Farm is 'n bekoorlike kothuis op Kaleo Guest Farm, die ideale oornagplek bo die Ceresvallei in die prentjiemooi Koue Bokkeveld. Hierdie verblyf bied 'n rustieke selfsorgervaring aan 'n klein gesin of 'n groep vriende wat op soek is na 'n rustige toevlugsoord.

Die Lab bied slaapplek aan 4 gaste en beskik oor 2 smaakvol gemeubileerde slaapkamers. Die hoofslaapkamer het 'n dubbelbed en 'n en suite-badkamer met 'n bad, stort, wasbak en 'n toilet. Die tweede slaapkamer het 2 enkelbeddens.

Die kothuis het 'n oopplan-kombuis wat met 'n yskas-vrieskas, stoof, oond, mikrogolf, basiese eetgerei, breekware en tee- en koffiemaakgeriewe toegerus is. Diaar is 'n sentraal geleë etenstafel en 'n binnenshuise kaggel en braai. Die sitarea het gemaklike rusbanke en 'n TV met DStv.

Die kothuis lei na 'n stoep met sitplek en 'n onderdakbraai-area. Hierdie verblyf dien ook as die perfekte funksielokaal en is geskik vir konferensies, pieknieks en spanbou-aktiwiteite. Verder is daar MTB-bane en staproetes.

Bespreek