+56

Visarend's Roep

49 resensies

Selfsorg

Kapasiteit: 8 persone
Alle ouderdomme is welkom
Inkloktyd: 14:00 tot 23:00
Uitkloktyd: 10:00
Adres: 2272 Geelslang Road, Marloth Park, 1321, Mpumalanga
Vanaf R2 400 per nag, vir 8 mense

Beskrywing

Visarend's Roep is in Marloth Park wat aan die suidelike deel van die Krugerwildtuin in Mpumalanga grens. Marloth Park is bekend daarvoor dat kameelperde, koedoes, sebras, blouwildebeeste, vlakvarke, rooibokke, duikers, bosbokke en vele ander kleinwild gereeld tussen die huise beweeg. Marloth Park spog ook met lieflike sonsondergange oor die rivier, die brul van die leeus in die Krugerwildtuin op die agtergrond en die kenmerkende roep van die visarend.

Verblyf is beskikbaar in 'n tweeslaapkamer-selfsorghuis met 'n solderarea. Die huis het slaapplek vir 8 gaste, insluitend kinders, verkieslik 4 volwassenes en 4 kinders, maar 'n maksimum van 6 volwassenes en 2 kinders kan geakkommodeer word. Daar is 2 slaapkamers met lugversorging en elkeen het 'n dubbelbed. Die solderarea het 'n dubbelbed en 2 enkelbeddens. Hierdie area lei na 'n houtdek met 'n pragtige uitsig oor die ongerepte natuur. Die badkamer het 'n stort, toilet en wasbak.

Linne en handdoeke word voorsien, maar gaste moet hul eie swemhanddoeke saambring.

Die kombuis is toegerus met 'n gasstoof, elektriese oond, yskas-vrieskas, mikrogolfoond, potte, panne, tee- en koffiemaakgeriewe, eetgerei en breekware. Die sitarea het gemaklike sitplek en 'n TV. Gaste moet asseblief hul eie dekodeerder en slimkaart saambring.

Buite is daar 'n lieflike stoep met 'n ingeboude braai waar gaste om die vuurput kan sit en die sterre nag kyk, of in die swembad baljaar.

Let daarop dat dit 'n bewaringsgebied is en geen geraas word toegelaat nie. Die huis is ideaal vir natuurliefhebbers wat die rustigheid van Marloth Park wil geniet.

Marloth Park spog met 'n hele rits doendinge soos stap, swem, wildritte en 4x4-roetes. Die Henk van Rooyen-kampterrein het 'n tennisbaan en 'n swembad. Daar is ook 'n waterpark by die Bush Centre waar die hele gesin pret kan hê. Gaste kan hul bergfietse saambring om die roetes te verken, of langs die heining gaan stap.

Marloth Park het 2 winkelsentrums wat in al gaste se basiese behoeftes voorsien. Winkels in die sentrums sluit 'n slaghuis, kruidenierswinkel, vulstasie en restaurante in.

Bespreek