+14

Vlei Villa @ Belvidere Country Estate

Selfsorg

Soos Gesien op Instagram
Kapasiteit: 4 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Off District Road D734, Belvidere Farm, Karkloof, 3291, KwaZulu-Natal
Vanaf R1 800 per nag (plek vir 4)

Beskrywing

Belvidere Country Estate is in die ongerepte Karkloofvallei op 'n plaas met 'n lieflike uitsig oor die Karkloof Reservaat en weivelde van die plaas geleë. Dit is ongeveer 24,6 km vanaf Howick en is ideaal vir gaste wat op soek is na rustige verblyf.

Vlei Villa @ Belvidere Country Estate is 'n moderne woonstel en bied slaapplek aan 4 gaste. Dit beskik oor 2 slaapkamers, 1 badkamer en 'n oopplan-kombuis, -sitarea en -eetarea. Die hoofslaapkamer het 'n koninggrootte-bed en die tweede slaapkamer het 2 enkelbeddens. Gaste deel 'n badkamer met 'n bad, stort, wasbak en toilet. Linne en handdoeke word voorsien.

Die kombuis is met 'n yskas-vrieskas, gasstoof, oond, mikrogolf, basiese eetgerei, breekware en tee- en koffiemaakgeriewe toegerus. Daar is ook 'n toonbank met stoeltjies. Die kombuis lei na 'n sitarea met gemaklike rusbanke en 'n kaggel. Gratis WiFi is beskikbaar.

Die sitarea lei na 'n onderdakstoep met buitesitplek en 'n uitsig oor die plaas. Dit is ideaal vir alfresco-etes en spog met 'n pizza-oond en braaigeriewe.

Die omgewing bied bergfietsroetes en 'n prentjiemooi berguitsig in die Middellande. Gaste sal saans hoor hoe die rooijakkals in die verte roep en soggens hoe die koeie die môre met 'n rustige gebulk toeroep.

Bespreek