+17

Waaidam Resort

20 resensies

Lodge

Kapasiteit: 28 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Waaidam Farm, Harrismith, 9880, Vrystaat
Vanaf R700 per nag, vir 2 mense

Beskrywing

Hierdie oulike, gerieflike gasteplaas in die Vrystaat is deel van 'n plaas waar met beeste, skape en perde geboer word. Ons het 'n pragtige sandsteen-venue met 11 luukse en suite-kamers met tradisionele, soliede houtmeubels en binnenshuise versiering wat oud en nuut luisterryk vermeng.

Elke kamer het koffie- en teemaakgeriewe, handdoeke, seep, sjampoe en 'n en suite-badkamer met 'n stort. Daar is ook 'n kroeg, asook 'n buitelugswembad en binne- en buitebraaigeriewe. As jy van vleis, aartappels en sous hou, is Waaidam Resort die plek vir jou! Die tradisionele geregte wat hier bedien word is heerlik en word keurig voorgesit.

Verskeie aktiwiteite is binnenshuis en buitenshuis beskikbaar: vlugbal, paintball, staproetes, bordspeletjies, perdry, vierwielmotorfiets- en motorfietsroetes, voëlkyk en varswatervisvang is addisioneel beskikbaar.

'n Kroeg is beskikbaar vir vriende en familie wat net 'n bietjie wil kuier met 'n drankie in die hand. Verskeie drankies word by die kroeg bedien en daar is ook 'n klankstelsel vir agtergrondmusiek ('n addisionele klankstelsel en 500 watt-luidsprekers is ook beskikbaar vir danse).

Waaidam Resort is ideaal vir spanbousessies aangesien 'n groot verskeidenheid binnenshuise- en buitenshuise aktiwiteite vir groepe gereël kan word. Met so baie doendinge en die geleentheid om net luilekker rond te lê, bied Waaidam Resort alles wat jy nodig het.

Bespreek