+41

Waterval Karoo Gasteplaas

4 resensies

Gastehuis

Kapasiteit: 18 persone
Alle ouderdomme is welkom
Inkloktyd: 14:00 tot 19:00
Uitkloktyd: 10:00
Adres: Waterval Farm, Laingsburg, 6900, Wes-Kaap
Vanaf R1 170 per nag (plek vir 2)

Beskrywing

Waterval Karoo Gasteplaas is in die hartjie van die Witteberg-bergreeks 17 km buite Laingburg in die Wes-Kaap. Dit bied luukse oornagverblyf tussen die Kaap en Johannesburg. Die verblyf is ongeveer 270 km vanaf Kaapstad en Laingsburg is ideaal as 'n oornagplek vir reisigers van Gauteng.

Die geriewe op die plaas is superluuks en van uitstekende gehalte. Alles is nuut en het Karoo-karakter omdat baie moeite gedoen is om boumateriaal te gebruik wat by die Karoo pas. Daar is 'n verskeidenheid verblyfopsies op die plaas, van superluuks tot standaard. Dit is ideaal vir sakereisigers of vakansiegangers.

Die berghuisie is baie gewild en bestaan uit twee mooi groot eenhede wat selfstandig is, maar verbind is met 'n gemeenskaplike braaikombuis. Die groot Karoo-patio voor die huisie het 'n oordekte braai-area en buite in die tuin is 'n braai-area vir die sterrekykers. Die uitsig vanaf die berghuisie is uitsonderlik.

Hierdie gasteplaas is ideaal vir gaste wat die ongelooflike stilte van die Karoo wil ervaar. Let asseblief daarop dat daar 'n grondpad van 12 km na die verblyf lei.

Doendinge in die omgewing sluit in bergfietsry, 4x4-voertuigroetes, staproetes, Seweweekspoort, Anysberg Natuurreservaat, Swartbergpas en die Hel met die Sutherland-sterrewag.

Bespreek