Onvergeetlik! Baie lekker hier gebly. Huisie is lekker cosy en genoeg kamers as jy 'n groot groep is. Die see is stapafstand.

Heerlik wegkom naweek in Wegkruip Stilbaai. Ligging van die huis is goed, maar die gebou kort 'n bietjie liefde.

Beste tyd met ons vriende gehad, privaat en op die strand, wat meer wil mens hê? Ons sal beslis weer hier bly, ligging is fantasties, op die strand en baie privaat. Ons is buitelug mense so binnenshuis was vir ons voldoende.

Nie soos verwag. Diens was nie soos verwag vir 'n 2 aand verblyf nie. 1. Ek is in kennis gestel die aand voor die tyd dat ons storthanddoeke moet bring (ons was reeds op vakansie en het van ander vakansieverblyf af gekom, gelukkig het ons ingepak by die huis). 2. Daar was nie warm water toe ons daar aankom nie, ek moes self die gas gaan oopmaak (nie 'n probleem nie, maar ek voel dit moes reeds gedoen gewees het). 3. Daar was nie WiFi beskikbaar nie. Sou nie 'n groot probleem wees nie, maar dit het heel dag gereën. Die agent het aangebied om te kom kyk en 'n ander modem in te sit, maar weereens ons is daar vir 2 dae en het nie tyd om vir sulke goed te wag nie. 4. DSTV het nie gewerk nie. Eienaar het aangebied dat mense uitkom om te kom kyk, maar weereens dit moet op ons vakansietyd gedoen word. 5. Die vensters wat see toe wys was baie vuil. Ek besef dis by die see en sal vinnig vuil raak, maar dit sou 5 min neem om die groot ruite skoon te maak voor gaste kom. Die 'view' is tog ook hoekom ek die plek gekies het. Die eienaar was baie vriendelik en het aangebied dat ons 'n nag of 2 kan ekstra oorbly, met geen koste. Dit is waardeer, maar ons moes terug in die Kaap wees en kon dit dus nie benut nie. Teen die prys wat ons betaal het, dink ek nie dis te veel gevra vir die basiese dinge om reeds in plek te wees nie.

Incredible location directly on the beach. House is on the quiet side of Stilbaai. Good family home. House has all amenities required. Fun had by the whole family.

Onopgesmukte familiestrandhuis. Basiese akkommodasie vir 'n lekker groot gesin en hul vriende. Die plek is vir lekker vakansiehou en is sonder tierlantyntjies. In die mode wees is nie belangrik nie. Warm storte, koue vrieskaste, vol kombuis en die see 'n frisbee-gooi ver.

Ons was 4 gesinne met kinders en almal het gemaklik gevoel met die hoeveelheid spasie; dit was nie beknop nie. Die ligging is lieflik; kon nie vir beter vra nie. Kamers netjies. Badkamers is nie goed nie, dit voel soos kampeerbadkamers. Ons het egter afgeskeep gevoel met klein, basiese goedjies. Daar was nie genoeg toiletpapier, skottelgoedseep of swartsakke nie. Daar was nie genoeg vadoeke of lappies in die kombuis nie, en ook nie n skottelgoedsponsie nie. Die wasgoedpennetjies was in 'n broodsakkie, wat seker nie saak maak nie, maar dit is so 'n klein detail wat n groot verskil kan maak aan afronding. Ons is gevra om self ons vullisdrommetjies leeg te maak en ons eie swartsakke by 'n vullishoop weg te gooi. Ons moes ook ver ry na die ander kant van Stilbaai om die sleutel af te gee.

Baie lekker. Ideale huis vir groter groep met kinders. Goeie ligging. Baie vriendelik ontvang.

Gemaklike kuierhuis. Wegkruip is 'n heerlike kuierhuis. Ons het die naweek vreeslik geniet. Alles wat jy nodig het is beskikbaar en jy is reg teen die see. Die badkamers kort bietjie aandag.

Dit was 'n fantastiese wegbreek weg van die geraas van stad. Heerlike wegbreek by die see. Stil en veilige area. Asemrowende see-uitsig.